den selven, ende dat men daermede zoude moeghen winnen met een vierendeel wasch tot pro-
fijte van Sinte Christoffel.
(3. Item ten derden van baemesse voort tot half maerte toe, niet te wercken voor ses uren
tot 's avonts ten acht uren toe, dan bij discretie van de dekens op de verbuerte als bovengeseit.
(4. Item ten vierden soe en sal men geen bieruut de fouten doen. 't zij Goutsch of Delfsch
bier wercken 't en moet geroepen zijn 'louwer', niet heymelijck maer openbaerlijck; niet in 't
huysken maer op den hoeck van de Meireminne, op de verbuerte als boven verhaelt.
(5. Item ten vijfsten waer men bier uyt eenige brouwerijen ofte fouten doet sal men roepen
'louwert' op die kaeye, en nae 't roepen sal men dobbelen in 't huysken ende sijn oogen schrij
ven op die tafel.
(6. Ende die wercken sijn schuldigh van elcke drie myten voer Sinte Christoffel dies soo sullen
sij te weten twee met een tonne moeghen vrien, oft drie tonnen, oft voer daer iemant over 't
werck compt sonder helpe van te wercken soe en sullen sij die in 't werck sijn geen cavelinge
doen, ten sij dat se haer helpzeel bij haer hebben, op de verbuerte als boven geseyt.
(7. Item soe wie ten halve biere niet en compt die en sal men geen cavelinge doen.
(8. Item ten achtsten soe sal een iegelijck gaen op sijnen ganck daer die biersteker begeert, op
die verbuerte als boven binnen der stadtmueren. Item zoe wanneer uut die fouten van de brou-
werije binnen bier gaet onder die poerters oft buyten der stadt soe sal men daerom 'louwaert'
roepen op de kaeye ende dan sal men moeghen vrien alsoe als men op dit tijt begeert, op cor
rectie als boven.
(9. Item ten negensten soe en sal men geen bier, noch wijn, noch azijn wercken dat van der
hoe compt, oft elders van buyten men sal 'louwaert' roepen, op den hoeck van de Meireminne,
ende in 't huysken dobbelen. Voert oft geviele dat dese die hier aen dit werck aengeworpen
ware noch niet buyten die poorte en ware ende an der zyepe laet gaen zoe sij die daer compt
gaen op de selve plecke dobbelinge doen, op de verbuerte als boven geseyt is.
(10.) Item ten tiensten soe moghen die guldebroeders wercken lastgoet buyten der poorten tot
een half last toe, sonder 'louwaert' te roepen, ende dat er meer waer dan een half last soe moe
ten sij 'louwaert' roepen, op de correctie als boven geseyt is.
(11.) Item ten elfsten soe wanneer dat volck op werck aengeworpen is, ende waert datter qua-
men binnen 't derde paert van den goeden ende 't derde paert van den volcke boven ware, zoe
sal hij met dekens scedynge oft met andere die niet en wercken ende tegenwoordigh moeten te
vreden wesen dese gelijcke die helft van den goeden die helft van den volcke. Ende al en ware
daer maer een stuck op ende d'ander cavelinge begeerde, zoe en magh hij oft niemant met gelij
cke oogen aengaen ende bij een vierendeel wasch.
(12.) Item ten twaelfsten soe wanneer op eenen werckendagh gewonnen wordt vijf schellingen
grooten met wercken 't seffens soe sal Sinte Christoffel hebben viergrooten. Mer 's heylighen
daeghs oock vier grooten buten zijn leges, ende niemant en zal twee dobbelinge doen in 't een
schip van eenighe goet te wercken op de verbuerte van een half pont wasch.
(13.) Item ten derthiensten zoe en salder niemant wercken hij en zal hebben een helpzeel met
eenen barystock, wel gemaeckt ende sterck genoegh, om daer bier mede te draeghen. Ende men
zal die dekens laeten zien oft dat se zijn genoegh ende mede bestaen moghen, op de verbuerte
van een vierendeel wasch, elcke reyze dat zij die niet en hebben als zij willen wercken.
(14.) Item den veertiensten zoe wie een barye heeft ende niet in huys en draeght die verbueren
elcken nacht elcx 6 grooten.
(15.) Item ten vijftiensten soe wie daer lest in de guide compt die selve es gehouden te wesen
jonghwijf, dat es dat die selve sal dienen versworen maendaghe ende het huysken schoonmae-
cken alsoe dickmael als 't vuyl es.
129