De oude ambachtsschool aan 't Vrije te Zieriksee, waarvan mr. Bakker jarenlang bestuurslid was. Op deze afbeel
ding van het thans gesloopte gebouw vallen op: de nieuwe naam en de stutbalken aan de gevel, alsmede de latere
aanbouw aan het Jannewekken. (foto: J. D. C. Berrevoets. Zieriksee)
Ma meneer Bakker at ök nog andere vrienden in de stad (Siereksêê was naemelek de stad
vö iedereen op 't eiland). Dat waere jonge vrienden in tot op den dag van vandaehe bin 'k
nog blie da 'k toen êên van die vrienden geweest bin.
'k Bin dikkels bie meneer Bakker in uus geweest op den Ouwaeven. 'n Mööj in groot uus mit
êêl vee boeken in prachtehe spullen. Wat kon 'n dae toch mööj over vertaale. Aoles at 'n ge
schiedenis in wat wist 'n d'r vee vanof.
Voraol kunstgeschiedenis, bouwkunst, beeldhouwkunst in schilderkunst at zn biezondere
belangstèlleng in d'r stonge dan ök vee prachtehe boeken in naeslagwaarken in z'n boeke-
kassen.
An de wand ienge (vö zovaare ik 'r toen verstand van at) kostbaere schilderstikken (doeken).
Zö kan ik 'r me nog 'n paer euhe van Mathijs in Jacob Maris. Oe waerdevol die waere, weet
ik noe pas hoed. Vanzaalfspreekend atten ök vee boeken over rèchtzaeken in wat dae vaar-
der mee te maeken at, ma dae sprak 'n nööjt oover, dat was prievee terrein.
Zö noe in dan wier 'n leerzaem hesprek of 'n vö mien nie minder leerzaeme schaekpartij
(want dat dee 'n ök graeg) onderbrooke deu 'n zacht heklop op de deure. Dan kwam Dina
(van den Berge) binne mit 'n bakje thee. Wat eit die Dina toch aoltiet hoet vö meneer Bakker
gezurgd. Dat mag dan toch ök welles 'n keer gezeid worre, ee, want dat ei se echt verdiend.
99
