gen van „mééster" Bakker volgen. Onder de titel ,,'t Ouwe jaer" beschrijft hij een aantal ge
bruiken rondom Oud en Nieuw en laat er daarbij geen twijfel aan bestaan dat er daaronder
ook waren die minder gunstig bekend stonden.
't Ouwe Jaer
Wat of ter 'n 60 of 70 jaer geleeje zoal in Surrekzêê 't êêle jaer deur gebeurdeDat is nog a
èèl wat, zu je wè zie. 't Za wè een beetje moelek weeze om aol die vrimde klanken die der
gesprooke wiere, op te schrieven, want vor een èêleboel bin der gêên letters genoeg. Ma dat
zu m'n dan toch ma perbeere op te lossen mit aolderleikleine diengetjes. 't Lieken mien dan
't beste om ma mit Ouwejaer te beginnen in laete m'n dan of spreke dat ae uutgesprooke
wordt as in 't Franse père of mère.
Zö'n paer daegen voor 't Ouwejaer kon je dan af in toe 'n grööte klap oore. (Die bo klienkt
zö'n beetje as de oo van oor, boor inzövort). Dan wis je wè, oe laete of 't was in dan gieng je
wat zitte struune in je vaoder z'n spiekerkiste om een ouwe sleutel (sommige zeeje ook wè:
slootel), zó ëëne mi een gat in de Steele. In dan nog een spieker die d'r een beetje in paste in
nog 'n èndje tauwe. Dan mos je perbeere om 'n doosje lucifèrs te pakken te kriegen, want
dan mos je de koppen over de rand in dat puupje afschrappe, dan de spieker der op in je ke-
non was klaer. De spieker was an de sleutel vastgemaekt, je sloeg de spiekerkop tegen een
muure of 'n poeltje of 'n eining in dan klapte dat. Zö'n kenon zag ter dan zo uut:
D'r waere d'r óók wè die een sént of meer kreege om een doosje kloppertjes te kaopen in die
schoot je dan af mit zö'n pistooltje of je gooide ze op straete, 'n trap der op mit je klompe in
dan klapte dat ook in 't was ook nie zo gevaerlek as mit een sleutel. As ze die puupe te vol
stopte, dan sprong zö'n dienk wélles uut mekoare in dat deugde nie. Dat klappen dat ging
dan den ëëlen dag deur, want 't was ommers toch fekansie.
Mit Ouwejaersaevend gienge d'r een ëëleboel ménsen nae kèrreke, die dan stampvol liep,
vee voller as op de gewoone Zondaegen. Dan most er ook aoltied gezongen worre: Uren,
dagen, maanden, jaren" in sommige vonde dat zo mööj, dat ze gienge zitte juule. Ja, wat
wiste jongers van een jaer of acht neegene wat vö verdriet of ter was
In dan naer uus. Soms waere der van te voore al oliekoeken of reuzelbollen gebakke in dat
rook je deur 't êêle uus; die reuzelbollen êêttede zo, omdat ze nie in petèntolie, mar in reuzel
gebakke waere in die waere lekkerder, mar ok dierder as die in gewone lampolie gebakke
waere. Dae most natuurlek öök bie gedronke worre, sommege lui dronke wèrreme pons, dat
was een soort van wien of zo ies in dat mos je anlènge mit wèrrem waeter.
D'r waere ök menschen die aelde in den êên of andere wienkel aniessaed; dan mieke ze van
een stikje lappe een zakjedae 't aniessaed in, in dat wier dan in de panne mit mèllek g'ange
109