Bijlage III
24 sept. 1458. - Zierikzee verzoekt Dordrecht het hout, dat nodig is voor de afbouw van de St.
Lievensmonsterkerk, ongehinderd te laten passeren.
Orig.G.A Dordrecht, Oud-archief I nr. 2, brief nr. 25.
Adres (op de achterzijde): Eerbaren ondersceyden voersyen ende wijsen burgermeysteren,
scepenen ende raedt der goeder stede van Dorderecht, onsen specialen goeden gheminden
vrienden.
Eerbaer ondersceyden voersyen ende wijse speciale goede gheminde vrienden. Wij hebben
uwer besceyden eerbaerheden voertijts ghescreven voer onsen inwonende poertere Heynric
Braem, meyster ende werckman onser hoeftkerke tot Sinte Lievijns maertelaer binnen
Zierixzee, diewelke tot bequamen diversen tijden als dat poynt gheeft27) noot28) is te
trekken tot Zutven ende Deventer om aldaer te coepen ende te vercrijgen alsulck hout als der
kercken dienen mach tot volbrengen der tymmeraetzen. Ende int selve scriven hebben wij
vriendelijc begheert met onser beden dat ghij hem rustelijc metten houte wout laten varen
sonder hem te laten gheboeren29) eenigen hinder of moyenesse van uwen uutvarenden
luyden. Nietmyn wij versoeken alnoch vrientlijc biddende uwer eerbaerheden dit voers. ter
lieften van ons te laten bescicken ende bestellen, updat hij mit vreden ende aisten der
kercken hout tehuys mach laten comen ende ons scrivens nae tvoers. doechdentlijc mogen
ghenieten ende wij ter liefden van uwer eerbaerheden in ghelijken ofte in meerderen zaken
vriendelic wouden versculden bij der gracien Goods almachtich die uwe ondersceyden
eerbaerheden altijt beware in zalygen voerspoede.
Ghescreven onder onsen zegel ad causas XXIIII dage septembris anno LVIII.
Afzender: Die stede van Zierixzee etc.
10