Jilles. Den besten? Wel wis en drie. Kerkwiek is 'n eenvoudige goeije man, die
geen bluf slait, in die nooit prait om z'n eige te late ooren, mar om te andelen. 't
Is 'n onpartiedige man. die niet vraigt voor wie of ie z'n eige inspant, ie werkt
voor de mensen, in niet alleenig voor liberalen of anti-liberalen, voor joden of
doleerenden, voor klericalen of roamse, in zoo'n man liekent mien. Niet zoo as
Sieme zijt "ze motte den Eere in de Kaimers brienge." Nee Stoffel, den Eere mot
mensen in de Kaimers die algemeene mensenmin uitoefene, in die voor de
stoffelikke belangens van 't Nederlandse volk zurge, geen partieschap mar neuter-
jaal bluve.
Stoffel. Mar zou je dienke dat de anti-liberalen dat oak niet kunne weze, in zouwe
doe?
Jilles. Wel nee, m'n goeije man, dair ek lest zoa veel van oart, dat is voor ulder
onmogelijk, want ze bin altied ebonde, den eenen wordt ement deur dezen, in
den anderen deur genen geestelikken sef, in dair motte ze d'r eige an ouwe.
Stoffel, Je zou zegge, dan motte ze toch aoltied volgens den Biebel andele.
Jilles. Dat doe ze oak, mar ze passé de teksten wel is verkeerd toe. B.V. meneer
eemskerke7 (oorde ik zegge) eit in Zaandam verteld, dat ie de doadstraffe op de
mensen weer toe wil passen, noe zal ie den Biebel eleze "dat allen, die et
zwaird neme, zullen deur het zwaird vergai." Kiek zoa ies komt dan in zoo'n man
z'n eersens op, in dat wilt ie dan mar in werkinge brienge. Dan meent zoo
iemand dat ie de vrieheid bezit om over leven in doad te beschikken, in dat in 'n
verlichte 19e eeuwe. Nee Stoffel, zukke idees werke achteruut, nair de treurige
tieden van dat lange verleden, toe de mensen as schaipen nair de slagtbank eleid
wiere. Je mot die ouwe boeken is leze van de winter as je wat meer tied eit, in
clan zal je gouw geneze weze, dan geloaf ik niet dat je ooit meer ;n man zult
kieze die altied op de Biebel loapt te kouwen.
Stoffel. As je onkundig bint in die zaiken, wat kuij clan toch veel kwaid doe, al
was 't alleenig mar mit je stembiljet in te vullen.
Jilles. Ja das wair, ik oarde gistere meneer Ate8 zegge dat ie 'n diensdag 'n lid van
cle 2de Kaimer oore praite ao over de polletiek, in dat die is netjes verteld eit, oe
ze vanaf 1848 voor ons land ewerkt dat scheen 'n eerlikke man te wezen, die
z'n tegenpartie geen enkele keer ekwetst eit. Dat was wat anders as die anti-libe
rale woordvoerders, zei meneer Ate, die stai in den regel 'n eelen aivend te schel
den op d'r tegenpartie, mar cleze man gaf. as 'n iets van cle anti-liberalen zei, deur
geschriften d'r eige woorden ten geoore, zoo as ze dat in de Kaimers ezeit of
voorgesteld aode. Meneer Ate aoclde nog nooit zoo'n polletieke lezinge oord.
Dair waire op die vergaiderienge oak nog anti-liberale, die scheene meneer
Smeenge9, geloaf ik dat die groote spreeker eete, niet goed begrepe te è'n, zoodat
in 't leste meester Mulder10, die neffen de beuze die schoole eit, eel netjes z'n
gemoedsbezwairen te kennen gaf, in wees op cliengen die ie gezeit adde, mar
porjabel, zei meneer Ate, wat vertelde ie aan meester M. op 'n bescheije wiese dat
juust die gezegden deur zie'n partij was esproke, in dat ie niet clasterd of elogen
ao, mar gaf mit schriftelike bewiezen voor z'n, alles air fien an. In toe kwam er
eel wat uut cle mouwe, dat niet in 't voordeel van cle anti-liberalen was. Kiek, zei
meneer Ate, ik wouw wel dat al cle partieën zoo eerlik waire, clan zou't mit et
regeeren veel beter gai, want die geleerde spreker zeil, clat ze net zoo goed as
zul lie in steke laite vallen in zoo mot et weze.
Stoffel, Zou dien grooten eer niks ezeit van clen 9 juni.
122
