ellepe; dat komt omdat zen voader 't oak was, in dan is zen zeune dat van zeivers
oak; mar tis ander een vent, die oal zen leeven getoand eit de lieberoale weg op
te willen; in wat noe zen dwarskiekerie betreft, dat ei niks om 't lief; ie eit 'n èèd
edae dat 'n de boel niet verklappe mag, in dat 'n oales wat 'n weet stilletjes tuus
mo laete, in daer niks van mee mag brienge naer Statuus. Je zou Notarissen dan
oak wè dwarskiekers kunne noeme, die zou je dan oak nie in den Raed motte
mar die stae net zoa goed onder 'n èèd as den anderen; je begriept dat gae nie
op; 't is toch al karwei genog, om de zoa dertiene bie menkoare te kriege; as je
oal die soort mensen der uut wou oue, dan zou je agou je toevlucht motte zoeke
bie den langen Joannes of Frans de Kuuper, in dat zou toch oak niet klienke. Mar
dien anderen jonkeer, dat is zooas ze dat noeme 'n arristrokoat6, die, assen op 't
kussen zit, nooit zal laete, om kleine tractementjes van kleine Ambtenaartjes nog
een beetje kleiner te maeken, in groate tractementen van volk van ullie slag nog
greater; die in èèn woord den burgerman der altied onder wil oue.
Kees. Wat voor verschil is ter noe eindelijk tussen 'n jonkeer in 'n gewone
meneer? deris ommers oak in twee stikken.
Gerril. Je mot nie plat worre Kees, anders scheik er uut, laete willie noe oak ern
stig bluuve; 't juuste verschil weet ik presies nie, mar dat er verschil bestaet, dat
mo wèl; ze schiene bie 'n gewoon burgerman nog altied een schreefje voor t'
hen.
Kees. Mar ak de bode goed eleezen dan bin der weinig voor uut durve komme,
zooas je dat noe uut leit; ze moste zoo'n vent daer noe is goed besproken in
van regts in links bekeke. in bie zen air of liever bie zen kop gepakt, zoo as dat
èèrtje wou, je weet wè wiek mèène. dat èèrtje dat nog al is dikkel op kittink
spriengt
Gerrit. Daer ei je wel 'n beetje gliek in, mar bie een beetje naedienken, mot ons
dat niks verwondere; dat kun je wel doe in Amsterdam en in ander groate plek
ken, mar nie in Surriksee, daer de mensen benauwd bin van der eige schaeduw,
in daer den èènen van den anderen te veel afhangt; daer waere der op dat oagen-
blik genoeg, die ies konne zegge, ma ze doste niet; der waster mar èèn, daer 't
zoa bie zat te broeien, dat er wat uut most, in die eit dan oak wat e zeit, mar nog
nie genog. Geloaf men Kees, as er bievoorbeeld 'n schoolmeester (ik pak er noe
zoo mar is èèn bie de kop) tarte gad at, om zoa ies te doen, dan zou 'n deur zoa
iemand, as die tin zen macht at, mit twee honderd vuuftig in plaes van mit vier
honderd vuuftig gulden naer uus gestiert worre.
Kees. Ik oak nog eleeze dat er èèn op de Vergaederienge was, die dien arristro-
koaet nie erg luste, mar die zei dat 'n eindelek onroisbaer was, omdat'n den
èènigsten is in de Raed, die, wat zoo noadig is, den arsitekf kontroleere kan.
Gerrit. Dat ek oak eleeze, mar greater gekheid ek nooit verkocht ezie, want as
dat waer is, dat ie in die zaek den èènigsten is, dan at'n dat bestek van d'aeven
beter motte naegae, in dan at'n bepaeld motte wete, dat die plekke, waer ze die
scheitsmure zette, daervoor in tgèèl niet edeugd eit, in dan was die besteeding
anders afeloape; noe 'n dat nie edaen eit, eit'n weer enkele duuzende guldens
nae zen moer golpe, die ik in jie in 'n ander kunne betaele9. Nèè, zo mooi kunne
ze nie praete, daer deug niks an èèl die vint, daer is geen reuk of smaek an, ie
mot er uut, daer elpt niks an.
Kees. Jie bint goed op d'oagte, mar zou jie clienke, dat dat noe ies geve za; al
dienke wullie der noe zoo over, daerom wete oal de kiezers dat nog nie; in dan
komter nog wat bie, wie motje voor zoa iemand in de plekke stelle?
129