wapenen, die veel overlast in de stede van Ziericxzee deden, om dezelve stadt te
destrueren te viere ende te brande, twelck die edele heeren van Ravesteijn met
vele edelen uuijt bedinge217 van den Cabbeljaus partije die zijn vrienden waeren
ende die zaecke zeer leedt was, als dattet met wijsheden ende met hulpe van den
heeren voors. onsen genadigen heere zoo informeerden dat hij een vrede gesel
heeft. Maer het costede die stadt nochtans drijentwintich honden grooten
Vlaems. Ende die heere van Ravesteijn beginck cleijnen danck van de Houckx die
noch 't regiment van der stadt hadden. Men deder XII den hals affhouden op die
Gasthnijsbrugge. Ende die van Middelburgh met haeren bailiiou Claes Jansz.2,s
genaemt verblijden hen zeere om deser stede qualick varen. Jacob Oelesz. was
doen ter tijt bailiiou van Ziericxzee'1'' gelijck men lichtelijck mercken ende bevin
den zal bij de copie van een missive bij den voors. bailiiou gezonden aen mr. Jan
Haelwijn ende die van den Raede in Hollandt etc., denwelcke corts hiernaer bij-
gevought zal worden.
Die heere van Bourgoingien tooch den derden dach martii na Brussele ende nam
uuijt deser stede van Ziericxzee XXIII1 mannen die notabelste van der stede ende
hij voer dese voor hem te gijsele in de stadt van Brussele. Ende zij lagen daer
zeven weken lanck. Ende svrijdaechs voor Palmesondage weit er een uuijtspraec-
ke gedaen bij den cancelier dat die stede zoude beteren ende zoude opbringen
30.000 Rinsche guldens mijn genadighe heere ende zouden hem leveren in zijnen
handen alle haere hantvesten ende privilegiën van der stede, ende zoude alle die
dueren van der poorten nederleggen. Ende zoude noch gelden voor die dooden
'1200 goude croonen ende een cruijce maecken voor der stede huijs, behouden
partije haere rechts daer zij 't opbringen mogen met rechte. Ende doen worden
die Cabbeljaus"0 in 't rechte geset. Ende zij moesten reeclen221 ende effenen dat
die Houckx verwarret hadden. Ende den accijs wordt geset op 15 stuvers 't vat
ende 3 stuvers van calliooten. Ende was al quaet bier. Ende die daer te voren
geroepen hadden om nieu licht mochten beter bij doncker te bedde ghegaen heb
ben, want dese warnissen esser ons aff gecommen, dat ick mij beduchte dat die
stede in veel jaeren niet veiwinnen en zal, want zij noch niet aff en laeten dat
schade ende schande es dat men 't laet geschien.
If. 162] OpschriftCopie van een missive van Jacob Oelesz., bailiiou der stede van
Ziericxzee, die hy screeff aen mr. Jan Haelwyn ende die van den Raede in Hollant
ter tydt van de voorscreven commotie ende beroerte anno 1472.
Edele, wyse, mogende heeren. Uwe mogentheden believen te weten dat ick moet
de landteelingen doen ende mijn lant van mij gebruijcken moet zijn, zoe moet ick
dicwijl daer in 't lant wezen ende daer zoe blijven omme mijn goedt te regieren.
Ende aldus zoe heb ick geweest vyff of zes daghen bij mijn goedt uuijt der stede.
Ende zoo ist gebuert dat ick nu in vrijdaghe lest leden'" door Duvelandt gereijst
ben ontrent II of III uren na die middach omme over Goude vere223 te trecken
binnen der stede van Ziericxzee zonder ijet dan goedt te weten, daer mij in
Duvelandt op 't vere geseijt worden dat ick niet over trecken zoude in de stede,
want die stede of die gemeente waeren in grooten rumoeren. Niet te min tooch
noch over aen 't ander landt omme binnen der stede te gaene, hopende ende
meijnende dat beste ende goedt te doene. Ende als ick over 't landt quam omme
binnen te gaen, zoe worde ick gewaerschout dat ick binnen der stede niet com-
men zoude, maer wederomme trecken al zoo lieff als ick mijn lijff hadde. Wandt
Michiel van Heenvliet ende heer Claes Simonsz. waeren doot ende van der stat-
33
