De eeste veranderienge die ik zag was dat Liza nie meer in 't Waepen van
Schouwen woont;2 noe, de koffie was goed, dus dat is net eender. Toe wullie
over 't Kerkhof gienge, toe vertelde ik an m'n vrouwe dat Bout lest ezeit ao, dat
ze van de nieuwe kerke oak al 'n butterfebriek wilde maeke, mar dat zag ik noe
toch dat 't nie waer was. Bout zeide: ze gebruuke die kerke toch zoa weinig en
daerom gloafde ik dat. Toe m'n 'n endje verder kwamme, zag ik dat van de
baazar3 twee mooije uuzen bin gemaekt; daer wone perfesters4 in, zeide een meis
je dat mit zeekrael an de deure stong. Noe wat of ze in de stad mit perfesters doe,
kiek, daer begriep ik in m'n vrouwe niks van. Zoa gienge wullie deur in toe zei
m'n vrouwe (want die ouwe aoiemaele van snoepen) wille we is even gae kieke
bie Doeleman,5 die eit lest z'n zuivere brulofte aocl in m'n kenne ze toch
aollebeije, lae m'n ze even gae filsisteeren. Ik docht: ik za mar mee gae, in jando
rie, Stoffel in z'n vrouwe krege 'n lekker glaesje in 'n koekje, in zoadoende aoden
wullie net 'n zoeten inval aod.
In toe zouwe m'n gae naer dat Pajorama, ik zag ange op de stoepe: Beyeren en
Passerspelen. M'n vrouwe zei: cla's toch nie eender as 't vorige jaer. Ik zei, ik zal
even kieke in de gank, ik komme daodelik terug; ik zegge: nee vrouwe, die
meneer an de deure is al eel anders, die van de leste keer was blijk in lank, en
dezen ziet d'r goed uur. Mien vrouwe is liengs en toe ging zie 'n aore deure in,
toe kwam ze bie de naoimasineman.6 Daer begon ik dol me te kriegen, want die
masinen waere zoa mooi, da'ze wilde koape, mar ik oa noe geen geld. Toe gin
gen we rechts en zoa in dat Pajorama, daer (da's waer) was aolles anders as de
leste keer. Om noe goed in duudelik te kunne zeggen wat wullie ezien ja, kiek
zie je meneer! da's moeielijk, mar ik kaje wel vertelle dat wullie de reikdom van
de Koning van Beyeren ezie, zoa mooi, dat je d'r geen gedachte van kan
maeke, in as je dan zooas de meester mien vertelde, nog je eigen zichzelvers gae
verdrienke, dat zit ik mar liever mit m'n vrouwe in Schouwen; ik m'n broadje
Zierikzee. Balie. Rechts tussen de bomen het logement en koffiehuis "Het Wapen van Schouwen
(Collectie J. Quaak).
93