bie de Burgemeester, drie oenders in 'n aene, die aolle dag twee eijers geve, in
dan eb ik en mien vrouwe genoeg.
Mar die Passerspelen is oak prachtig. Of ik dat noe goed noeme weet ik nie, mar
't is uut de lijdensgeschiedenisse; noe ik d'r dikkels over oare praete mar zoa
duudelik 'k dat nooit ezie. Dat zal wel veel bekieks Ik en mien vrouwe worre
toch zoa verlekkerd op die Pajorama's, de andere weke, zei die meneer an de
deure, komt d'r weer wat anders. Noe, as ik kan dan kom ik weer is oar, in dan
za'k vraege of de nichte van Jootje buure en de weeuwe van Klaos oak nie
meekomme, mar dat zal vanzelvers wel gae, want ik zal ullie d'r over spreke in ze
vertelle wat ik zeivers ezie.
Toe moste wullie nog naer die goekoape wienkel in de Meelstraete,7 mar daer
was gin slag an de bak te kfiegen. Ik zei tegen m'n vrouwe: laete wullie mar weg-
gae, want de mensen in de stad motte toch oak leve, in as ik dan oare wat jullie
an belasting motte betaele, dan oeve d'r geen vreemde te kommen om de centen
weg te aelen. Ik most toe bie Stroobant8 weze in die vertelde mien dat 'n boele
groate9 der suuker, d'r koffie, d'r sigaoren en nog veel meer uut Olland laete
komme. Is dat geen schande?
Noe ao'k nog 'n boodschap te doen, want ik most voor de Burgemeester wat
wien en ander goedje bestelle, bie die meneer in dat straetje daer je mit 'n poortje
naer toe gaet. Die mot goed goed ik oak nog 'n flessche brandewien
meeënome, - mar, dat is daer oak al anders geworre, dat is 'n andere meneer,10
den ond zag ik nie, doch Saortje11 è'k wel ezie. Ik komme d'r al jaeren voor m'n
Zierikzee. Meelstraat. Rechts "Hotel Hülsmann".
Foto eind negentiende eeuw.
(Collectie Streekarchivariaat Schouwen-Duiveland
en Sint Philipsland, Zierikzee).
94