lerlei instansies in-evuld aore. Nae vee vuuven in zessen kwaeme mun eindeluk
op't durp. Dae was nog a't êên in ander inmekaore eschoote. Mun konne aolles
overzie in plannen maeke om mit êêl de femilie an de taiugreis te beginnen.
Eindeluk was 't zö varre. De boerewaegen wier startklaer emaekt in d'aolleve
trekkracht wier vö-espanne. !De Waddinxveen - Oosterland - expresse' kon ver-
trekke, op weg nae eige uus in aerd. Over de grööte weg gienge mun naer
Rotterdam.
Oosterland: 'Of) 7 durp was nog nog a 7 êên in ander immekaore eschoote'.
(Coll. Streekarchivanaat Schouwen-Duiveland en Sim Philips/and, Zierikzee)
Dae dronken mun bie femilie op de Korte Kaoije un bakje koffie. Paerd in wae-
gen wier rustug eparkeerd neffen de stoepe. Da za noe nie mi gae, mit aol die
drukte van tegenwoordig. Deur Rotterdam gienge mun nae IJsselmonde, wae
mun de nacht overbleeve. Dun anderen dag voere mun bie de Moerdijk over op
twee anmekaore ekoppelde binnenschepen mit een dekvloer zonder railing dur
tussen, 't Paerd stieng op 't uterste randje in 't waeter te kieken. Un stik out
achter't wiel dee dienst as rem. 'k Weet we, da 'k um ekneepe Mun kwaeme
gelokkeg veileg in Braebant an. Nae 3 km rieje kwam d'ostie in zicht, waer a'k
ruum un jaer in-eweund in ewarekt ad. Ondertussen waere m'n vaoder in moe
der in m'n zuster oak an-ekomme.
Ze maekte kennis mit mun tiedeluk pleeggezin in mit mun wat laeter zou blieke
nie zö tiedeluke vriendin uut Zevenbaregen.
Dun volgenden dag bleeve mun op dat adres, 't Paerd most nöödug beslööge
worre, daevö konne mun bie un smid in Rodevaert terègte. 't Léste stik nae Ziepe
mit paaerd in waegen gieng zonder strubbels, wat van de fietsers nie ezeit kon
ööre. Lekke banden, slecht plakspul in un brandend zunne-tje liete bie mun vao
der d'n emmer overloape. Ie plakte nie mi, ma gieng loape van De Heen nae de
Polder.
106
