Milten tram
Jaeren geleeje bin'k op een mooie zomerdag es mit t'n. tram nae m'n oome en
tante op d'Ouwendiek gewist.
Toe'k op de Caubrugge liep. adde ze a gefloote dat t't tied was. Kon d'r nog net
insprienge, want zö'n sneltrein was tie koekkedööze noe ök nie. Padmos, de
conducteur, kwam mit z'n zienke boek om een kaertje te verkööpen. Diere was
!t nie, ma vlugger nog minder. Nae vee gefluit in gesis waere m'n der. De wegt
nae 't durp was nie zö'n ènde.
M'n oome dee dae 't postketoortje in was nog ontvanger ök. Ma stress zou je der
nie kriege.
'k Liep achteromme deu 't poortje. D' oenders in 't kot viooge ooverènde. Tante
was an 't smoerelen in der keukentje. "J'n oome is in 't ketoor" zei ze nae de
begroetieng. As kinders add'ons dae vee gespeeld mit de postweegschaele in de
stempels. Soms zatte m'n ök an de telefooncentrale in gieng d'r zö'n bèlle. Dan
kwam m'n oome angevlooge in zei da m'n d'r mit onze tengels af moste bluuve!
Ma da's wi een stuitje geleeje.
Z' adde vier jongers, twêê wérkte oover waeter in twêê waere d'r getrouwd. M'n
oome zette juust een stempel op een pakje in smakte 't in de mande. "Oe ister
mee? zei t'n, "aordig da'j es kom kieke. M'n zu m'n ma es thee gae drienke."
Tante zat al achter de taefel mit theeblad vö d'r. Bie 't êêste kommetje kreege
m'n een lang beschuutje in bie 't twêêde een babbelaer.
M'n gröötvaoder in grootmoeder ienge in ovale zwarte liesten an de muure,
't was net of z'in je kommetje keeke.
Om vier uure gieng tante oltöös eeven vö 't lienker raem zitte, want dan gieng de
schoole nlit in kwam der ök nog een oud ventje mit vier koeien verbie. Dat was
t'r daegelekse verzetje, oe is 't mogelek
A m'n d'r waere, at ze aoltöös stokvis met riest. 'K e een lekker maeltje", zei ze,
ma 'k wist et netuurlek a lang a!
Om zeeven uure most'k nae d'n tram. M'n oome ök om de post weg te briengen,
saeme kuirde m'n 't stille durp uut. Spraekwaeter at t'n genogt, dus ik zei nie
vee. D'r kwam 'n êêl aordig meisse op de fiets verbie in m'n oome staekte z'n
Zierikzee, Station'Nae vee gefluit in gesis'. (Foto: col/. Gemeentearchief Schoiiwen-Duiveland.)