Der waere toen ök nog paeretrappen an de Kaoje. Een stikje straete van een
meter of drie brêêd dat schuin nae beneje liep tot bie 't waeter. Dan kojje bie
laeg waeter toch makkelek vracht in béésten losse. De bekensten lag tegenover
de Nieuwstraete, wae 't kefee van Stroband was.
De mole bie 't Luitje was toen nog in vol bedrief, 'n sieraed vö de stad, zö assen
der bie stong. Mojje noe us kieke. Aktie raore stompe zie, bedauw m'n arte! Mar
uut dat verael in de bode van vlee weke begriep 'k wè zö'n beetje dat et noe een
vuul gelclzaekje geworren is. 't Wor tied datter een paer gerizzeleveerde
deudouwers de koppen bie mekaore steke om daer es wat an te doen! Asse noe
kins onderneme, is 't over tien jaer nog zö...
Kwa, 't wor tied om es te stoppen. Over tied gesproke, der woonde in die buurte
ök 'n meisse, die ad nie vee mi as 'n viengeroed verstand. Opte klokke kieke
kon ze nie. As je vroeg oe late et was, zeise: "'t Ei juust gesloge of 't mö nog
slae!"
Alle ménsen, tot ziens an de Kaoje. JAOKOB.
Meziek
Noe kregele wi zö'n kaerte vö kiek- in luustergeld in de busse. 't Is gin wonder
dattet zö diere is. dae motte ze aol die schrêêuwjongers op Ilversum 3 van
betaele. Over de tillevisie zü men ma zwiege. Ma êêl den dag die gietaarplukkers
in schrêêuwers op Ilversum 3 is toch schandaoleg, ee? In meer as twaolef plaetjes
ze nie.
A'k op Zaeterdag om zeven ure opstae, is "Pop-non-stop" a mit vee gebons an de
gang. Dan doe ze 't om acht ure as je an je beschuutje zit, nog es over mit
"Popfrisser". In as je an de koffie toe bin, draoie ze diezelfde twaolef plaetjes wi
as "Popstation". Ieder ure mit andere smoejes in flauwekul.
De werrekster krieg zowat gin tied om die plaeten fesoendelek af te stoffen. Da
gae zö ma deu tot 'n ure of drie. Dan eit den êên of andere gladjanus ze omme-
gedraoid in ie roep êêlemaele overstuur deu de micrefoon, dat noe "disco
expres" komt. In as je om zes ure an taefel schuuft, wille ze net mitten
'Avendspits" beginne.
"Zet die blèrkasse noe es af" zégge ons dan. Ma de kinders kriege zowat een
broerte; da kan toch nie, da binne de twaolef beste!
't Erregste is dazze der nog van die aokelege brullen tussen deu geve. Het liefste
zou je de stekker van de radio knippe, ma vö de jeugd izzet zö ies as een mes-
jien om 't aesemen. In a'k nie oppasse zette z'op de tillevisie "Countdouwn" in
"Toppop" nog an, want anders ze nooit es een verzetje!
Ammen eindelek gae slaepe clan dienk'k as noe vannacht die studio es af zou
brande, da zoe een rust geve. Ma 't lieken wè offen vuurvast is.
Toe 't zö sturmde op Eêmelvaert, docht'k: dae komt nog in orde, zender omme-
geblaeze, ma niks
Trouwens den duvel luuster ök mee as je om zukke slechte diengen vraagt. Want
noe ister inééns een meraekels aordeg plaetje gekomme. gezonge cleu zö'n
meisse van ABBA mit een armonica der bie. Die doe een liedje, dae knap je
êêlemae wi van op. Atta plaetje uut gespeeld is, voel je jen eige tien jaer jonger,
't Is noe toch wè èrreg moelek geworre.
Je mot nae aol die peuke luustere om dat êêne liedje 't ooren! Dus je zie ma, een
méns kan van de reegen in de drup raeke missen luustergeld in z'n and.
Ale ménsen, groeten van JAOKOB.
87
