Waer is ten tied gebleeve
Toen ons kinders waere, gienge m'n in de fekansie aoltöös een weekje mae m'n
omoe in Rotterdam. Ik zie d'r mahonie mebeltjes mit roöie pluus nog vo m'n, 'k
óöre d'r kenaorie nog zienge in 'k ruuke de lekkere luchtjes uut de groote
ouwerwetse keuken nog. M'n vaoder in moeder sliepe in't alkoof in ons op de
gang in een ruume bestie.
Dae wiere ons flienk verwend, nae d'n dieretuun, iederen dag een ijsje, affijn,
affijn! In as m'n wi naer uus gienge, aelde ze uut een zak onder d'r rok d'r knip
in gaf z'ons aollebeije een riesdaelder, êêl wat in dien tied.
In clan nae de boot op'cl Oosterkade. De "Stad Zierikzee" lag a onder stoom, de
koeien waere a an boord. De planke wier ing'aeld in dan duurde't zeven uuren
vo da'j 't Oöd in zicht kreeg, 't Was aoltied wi een belevenis om d'n Dikken
Toren midden tussen aol d'ouwe uusjes te zie staen. Ma je was toch aoltied wï
blie as Jan Dooge vo de leste keer de bèlle liet gae dat de planke uutgeleicl kon
worre. Tussen aol cle ménsen zochte m'n nae m'n oome uut Vrie, die waster
mitte fiets om de zwaere koffer tuus te briengen. Want as m'n op reis gienge,
nam m'n moeder 't aolve uus'ouwen mee.
D'r wiere nog booter'ammen gele, van die groote, die zie je noe nèrges ml. In
dan Betje Pluum in Liesje Tieke, want je was bezwuumcl van de vaeke. D'n aoren
dag wier je wakker vol mit moggebulten.
Gelukkeg nog gin schoole. M'n speelde vee in 't Sliengerbos in opte Touwbaene.
Dae stieng 't Touwuusje nog an 't èncle bie de Mêêt in van die dikke paelen mit
een gat d'r in om touwe te draoien langs êêl de Touwbaene. Ma d as a lang
geleeje, 'k dienke 1926.
Je kwam d'r ök dikkels Koosje Keeleman tegen, die woonde in de Schosjes
(of Godskaemerjes). Die liep aoltóos mit een baele zak over z'n schoere. in een
dikke stok. M'n waere noga benauwd van die vent, want goed snik wassen nie.
Ie gieng wè vier keer in een jaer op 't êêl eiland nieuwjaer wènse. Dan zei'n d'r
bie 'Ko nie gek De ménsen gaeve ma wat om van z'n af te weezen.
88