Zu mot in zu za meedoe! As te wuuven wat in d'r oöd dan kaaje praete as 'n
affekaot, ma èllepe doe 't niks. Zu wil in 'n jurk van d'r overgroötemoeder, in
mee 'n muste mee tae bovenop 'n kippe mee blommetjes an de rand. Die kippe
ei z'a epast. 't Stieng nie slecht, alleêne 'n bitje - oe za'k ta zégge - 'n bitje blom-
meg! Ik zei ma niks toe zu an't stroaken1 was; zu keek zö meuzeg2 as 'n puut die
z'n eêste pootjes kriegt. 'As groötemoeder m'n kon zie', zie Jaone, 'dan zouw ze
nog groöa op m'n weeze. Ik doe mee in d'n optogt in de stad, om ze daer zien
dat te vrouwen uut Schouwen in Duuvelant d'r vroeger ok mogte weeze'. 'In jie
Joös, mot oak meeloape', zei zu. 'k Krauwde an 't bitje aer da'k nog op m'n oód
in zei eêst niks. 'Noe', iew Jaone an, 'oe dienk j'r over?' 'Jie doe tie ouwe slip
jas van d'n ouwen Kees van 't oefje an. A zie t'n groen as kraoilak3, da's nie
èrreg, dat oör t'r bie. Oud is oud!
Da past in d'n optogt'. Trek ek ma gin ja ezeid, ma 'k za d'r an motte glaove,
dienk 'k. 't Za 'n mooi tuugje oore, da kan 'k je noe wè veitelle. Mien pak za de
moeite weêze. Alleêne d'n aogen oed a is 'n daelder van 't ankieken waerd. Aaj
noe meê 't feêst 'n ouwe vint mee 'n ouwen groenen aogen oed zie kuire, in z'n
vrouwe mee 'n kippe mee 'n rand van koeieblommetjes, in 'n klapkrurf an d'r
aerm, dan binne wilder dat! Beschien oöre m'n nog wè uut-e-pottereteerd, in dan
stae mun vö de raemen te kiek. Je kan ons dan vö 'n kwartje kaope, zö da je
kins-kinders d'r nog nae kieke kunne, as tie 't te moeite waerd vinde om d'r nae
te kieken.
1. stroake: opmaken van het haar van het boerinnenkapsel en het opzetten van
de muts of hoed.
2. meuzeg: opgewekt.
3. kraoilak: weideplantje kraailook (Allium vineale).
In de achtste editie blikt Joös terug op de
komst en de geschiedenis van de tram op
Schouwen-Duiveland. Joös schrijft de
streektaal vrij consequent. In eerdere edi
ties van het jaarboek is reeds door dr. A.
de Vin commentaar gegeven op zijn
schrijfwijze.
Onbekende streektaalschrijver
Het gedicht "Schouwen-Duveland, m'n
geboorteland" is van de hand van een
onbekende streektaalschrijver.
Langs de boarden van de Oasterschelde,
leit m 'n moaie Schouwen-Duveland
A van vare zie j' den dikke toren, asje
ankomt van den overkant.
As de baot dan anleit an de koaie en je
gaet de plank' op nae de wal,
Gaet van blieschap j'arte arder kloppe, da
j' weer op je eiland weze zal!
'Joös van Joanë (pseudoniem voor M.J.
Kosten), auteur van de "Brieven uut
Schouwen" in de "Zierikzeesche Nieuwsbode".
106