'k Za noe nog us wat van noam Knelis vertèlle, van toet'n jonk was, 't Mot nog
vo d'êêsten óörlog eweest 't Was wat miss'n oor, in d'n tied datt'n nog hieng
winterneve15 bie femilie op Briepe in op Noordwèlle in datt'n bie de Rederiekers
speelde. Knelis was 'n grööte stèrreke vint mitt'n grööte kele in vee praes, allêê-
neg van d'n dokter in van't siek'uus wass'n op z'n dóód, in dae most'n niks van
Ie zei aoltied: "In 't siek'uus op Noorgouwe, bè'j hek! dae mö'j nie komme
man! Ze snieë je dae êêllemae an rêêpen in an stikken! In vó da je't weet bè'j bie
d'ondergrondse". Ja, ie ao 'n klein 'artje in ie was vrêêt benauwd oor!
"In '1; siek'uus op Noorgouwe, bè'j hek! dae mö'j nie komme man!" CollectieGemeentearchief
Schou wen-Duiveland, Zierikzee
Op 'n zaeterdagaevend in november, aok in dien zèllefden tied, konne'n 't nie mï
uut'oüwe van de tandpiene, want dien tand ao a lange bie z'n zitte muzzeke. Ie
is toe mit vee vuven in zessen op z'n deutrapfiets, mitt'n brandende
kerbietlantaeren d'r op, want 't was donkere maene, bie dokter Groenman
terechte 'ekomme. Die ao pas 'n nieuw 'uus laete zette, schuin tegenover
't Mool'uus van Arjaon Blom wae de meestove 'estae ao. Dien Groenman, ofkom-
steg van Flakkee, was netuurlek agêêl gin tandarts, ma noam Knelis 'iew net zo
lange an totdat d'n dokter zei: 'Gae hier mar zitte", in ie wees op 'n bieze keu
kenstoeltje in de wachtkaemer. Je weet wè zö eene mit van die sporten. Zonder
vercloaven in nae lang tjottere, zwêête in niepe in dat stoeltje mit die grööte kliz-
zen van noam Knelis, zei d'n dokter gröös op z'n Flakkees: "Hier ha joe je tand!"
Noam Knelis stak z'n bezwêête 'ancien nae vööre in zei mitt'n zucht van verluch-
tieng: "In 'ier ei jie je sporten van je stoel dokter!!!"
Noe kende ze mekaore Èi langer as vandaege, Knelis Dartig was as grööten boer,
spesjaol mit d'n dokter, 't Was waer, dokter Groenman was op laetere leeftied
nog mee 'n èrreg jonge in knappe vrouwe 'etrouwd. Dat was iederéén a
op'evaolle, in Knelis netuurlek aok. Mit de filesitaosies nae de heboorte van d'n
êêsten kleinen, zei Knelis ondeugend, ie ao a wï 'n paer borrels op: "Dokter
eihenlek 'mö'j netuurlek nie mit je bril op in de wiege kieke!" Groenman aok nie
van bistere, in op dat moment aok nie dokterachteg zei: "'t Is nie verkeerd hoor,
zo'n jonge vrouw, want ik hoor ze liever piepe dan kraeke!" Noam Knelis eitt'r
99
