g&s
Dan over da kefee mit die naem 'Bonne Futte'. Lang eleeë was t'r ier tehen d'n
diek 'n Frans schip mit zö'n sóórt naem an stikken eslaoge. Da kefee stieng
strategies flak bie 'd'Ouwe Kaoje'. Vroeger was t'r ier a us 'n kaoje in 'n stik
inlaege de diepte in egae. d'Aeriengvissers in beurtschippers leijde d'r plat-
baomers toen ma in die verlóöre kuupe, laeter 'd'Ouwe Kaoje' enoemd. Dat ei
tot 1862 eduurt, in toen pas binne ze de tehenwóórdege kaoje hae maeke, die
z'in drieënvuufteg wi gróóter emaekt
Op 't Ouwe Sluusje waere verscheiene 'uus'ouens Van der Klooster, die mit de
reddiengsbóót in mit bèrregen van om'aog elaope schepen te maeken ao. Ze
belóóste aok grööte schepen nae Zurrekzeeë in 'ielpe mit ulder scheepjes aok
bie 't stêênstorten op zienkstikken an de Schouwse kust. Dat waere op't Ouwe
Sluusje die vier platbaomers van de Van der Kloosters mit vrimd genog,
'Aemstiese registraotienommers, de HS1, 2, 3 in 4. Kortom, redde, somtieds
raove, op strao jutte in an d'n diek struune, nae an'espoeld spul, dat deeë die
Kloosters vrêêt hraeg! Wan d'r verhienge in dien tied zonder baekens in weerver-
spèlliengen vee schepen vö de Schouwse kust. As eihe baes, as parteklier za'k
ma zégge, roeide z'om wat te verdienen letterlek in figuurlek mit de riemen die
z'ao. Wan iederéén was t'èrrem om te hêêwen! Ze vienge zêê'onden vö diere-
98
