tuunen, jaerleks 'onderden 'eschoote zêê'onden ville in vellen draoge an lange
lienen in vö bont verkaope. Vö d'r voorpöóten. die klauwjes, krege ze nog 'n
premie van 'n riesdaelder van de vissersverêênegienge. Ma vö 't êêle Sluusje was
't uutkooke van 't zêê'ondespek tot traen 't èrregste. Tehen die stank kö'je wè
leune, as je d'r temisten nie bewusteloos van rocht! Ze verkochte da goedje an de
boeren, die d'r ulder tuugen in herêêlen mee insmaerde. Ma 't mêêste hieng nae
Van Schaik vö z'n zêêpfebriek in 'Olland. Ze naeme die meneer wè us mee, wan
ie was aok 'n liefebber van zêê'onden jaege. In nie allêên van zêê'onden! 't
Uusjes van z'n kokkel, z'n liefje za'k ma zégge, stae nog aan 'd Ankerweg ier op
't durp! De Kloosters verkochtte aok pielstaertolie, van d'uut'ekookte levers van
pielstaertroggen, hoed teehen rimmetiek, iesias, 't lendeschot in tehen aolle aore
pienetensies. Ma zeië ze, je kan aok 'n lapje zêê'ondespek op zö'n zeere plekke
lègge! Dan is de piene aok zö over! Dat aolies wiste de Van der Kloosters van 't
Ouwe Sluusje zeker.
Omdat d'n 'elt zö êêtende ao z'aollemaele 'n bienaem, gliek an d'aore ménsen,
die dae woonde. D'n ouwen Jaop van der Klooster, meer as derteg jaer schipper
op de reddiengsbööt, ao vier jongers: Kees, d'n ouwsten noemde ze 'Kluute', nae
't twêê in 'n aollef centstik, omdat z'n vrouw 'n snoepwienkeltje ao. D'n twééden
was Dirk. die noemde ze 'Baes Piet', Merien, d'n dèrden was 'Asjepijn', die volg
de z'n vaoder in 1898 op as schipper op de reddiengsbööt. Nelis, cl'n jonsten was
lichtwachter, die stieng bekend as 'D'n Brik'. D'n broer van d'n ouwen Jaop was
d'n ouwen Dirk, die luusterde nae de bienaem 'D'n Witten'. Die z'n zeune
Merien, êêtende 'Poeste' in d'n jonge Dirk was 'Kootje'. d'Aore buurtjes waere:
'Pinkof, 'Algiers', 'De Katte', 'Pothof', 'Snijbiet', 'D'n Bok', 'Daove Pier' in 'Waoi-
babbe'.
Grööte uus'ouwens rnit tien, twaollef kinders, was in dien èrremen tied aol-
hemêên. Z'aete be'aolleve bróód in aerrepels vee vis, krabbekwaed2, mossels in
Foto 1915. De Kloosters ielpe aok bie "t stêênstorten op zienkstikkenRechts cl'aogaesdienkelek van
Merien. lienks de blaezer van Kees van der Klooster.
99
