Schipper Merien is in 1920, ie was toen 57, wonderlek an de dóód ontsnapt, toen de bezienemoter in 't bööt'uus uut mekaore klapte. Dat stieng op de 'Westnol', wae noe 't Reddiengsmonument staet. 'Bööt'uus, de reddiengsbööt in Merien, 't êêle zaekje hieng de locht in! Allêên d'oerstèrreke Merien, overleefde!. Oewel d'n naedien mit 'n stok moste laope iss'n toch noch 94 ööre. Nae die ont- ploffieng, wier z'n zeune of broer Kees tot 1932 schipper op de nieuwe, uut z'n eihe overènde kommende reddiengsbööt mit "n peteroliemoter, de "Prinses Juliana". Ma die de Duitsers in 1945 de locht in laete vliege, ma noe mit diene- miet. Soms was t'r aok onderlieng mot in onêênegheid. d'Aore Van der Kloosters, die van d'n ouwen Dirk waere soms mitt'r eihe aogaes eerder bie 'n schip in nööd dan ulder neefs mit de reddiengsbööt. In ao ze de schipbreukeliengen d'r aok a of aeld. Dat zat nie hoed, wan dan viste de schipper in z'n opstappers achter 't nette! Dan deeë ze welles 'n bitje lêêleke diengen onder mekaore. 't Was op 't Ouwe Sluusje, dae vlak achter dien laegen zêêdiek, de hewoonte om bie 'n buuëge zuud wester sturm de rehenpupen nae d'n tras'' los te maeken. Ommers dat zoute buuswaeter kon 't waeter in de regenbak bedèrreve. Ma as je dan hemèên wou weze tehen je concurrent, dan maekte je z'n rehenpupe in d'n donker wï vast. In dan zaete ze d'n aoren ochend nae zö'n sturmnacht wè mit 'n brak kommetje thee vö d'r neuze. Dust as de Kloosters de ménsen van 'n gestrand schip d'r of ao, dan hienge z'as de weerlicht mit d'r aogaezen trug om de laedieng zövee mogelek van böörd t'aelen. Dan stieng d'r vö ulder aok gin zêêë t'aohe. D'r waere nog vee meer kaepers op de kust, uut Ouwdurp in Veere. Vö d'r eihe of vö d'n strandvonder, brocht aoltied held op, wan 'n derde was vö d'n vinder. Ma ze draoide aok wel us 't êên in 't aore achter de mast. D'r wiere anhespoelde vaeten drank verdonkeremaend! Zöas die portwien in 1918, wan die verkochte ze stilletjes an Lauw Verton. Dat schip mit port was vö 't Goereese Foto 1907 Kaoilaopers, peetarêêrders, in aok de schippers Iswaeme mee 't oprekenen hraeg in de helagkaemer an d'n taog bie Dirkje, 't Uut'angbord van d'r kefee in bakkerie is lienks te zien. 'I Witte 'Schippers'uus' is 't vierde van lienks. 102

Tijdschriftenbank Zeeland

Kroniek van het Land van de Zeemeermin | 2002 | | pagina 104