"Jaonus, dat was de leste keer, noe is 't ofelööpe, wan 'k wille nie da je van-
daege of mèrrege butenwesten trechte komt!"
Ma aok 's zomers viel d'r van aolles te beleven op Sluusje. Overdag zaete z'in 't
oute 'Beusje' op de kaoje, dat tehen ons pak'uus stieng, over t'waeter te kieken
in tehen mekaore te liehen. 's Aevens, nae 't eten, waere de vinters mit z'n aollen
op d'n diek, bie d'n eining te vinden. Op zö'n aevend is 't eweest, kort nae
d'êêuwwisselieng, dat de Sluusenaers 'n grööte driemaster nae binne zaege
komme. D'r was ma weinig wind. 't Waeter was bienae blak15, ma 't was van de
vloed. De zeilen wiere kort d'r op estreke, in de kollosaole bark liet nog vérre
buten 't kaoihat z'n ankers vaolle. Ze waere trek aollemaele nae de kaoje evloge.
Sommegste ao d'r varrekieker a herêêd. Ma d'r beurde niks an böörd. "Dae hae
m'n nae toe jongers!" Vier Kloosters op d'r klompen spronge in 'n sloep in roeide
om 't leven. Vanof de driemaster wier d'r wat nae benee erope in nog 'n keer.
'n Poosje laeter zaege ze vanof de kaoje de sloep vromme komme. "Wat is 't vo
schip in wat z'in?" wier d'r erope. Wan ze waere aollemaele vrêêt niesgiereg.
De Kloosters, Jaop, Dirk in Merien aelde d'r schoeren16 op. Kees zei: "M'n kunne
z'om 't leven nie verstae, ma as je 't mien vraegt is t'n Engelsman, ma 't zit wé
hoed, wan z'è wat over flessen erope." Flessen in Engelse, dan za't wé whiskey
weze, dochte z'aollemaele, wan dae ao ze hin ekel an, ier op 't Sluusje! "Hae
Tonus van Lee uut 't kefee ma aele, die hae in de stad op d' Aogere Burger." 'n
Aogenblik laeter roeide De Kloosters trug, noe mit d'HBS-er Tonus Jonker an
böörd. Die aot hau opelost. Ja 't waere Engelse in ze kwaeme uut New Castle ma
ze waere 'n zêêhad verkeerd, ze moste de Westerschelde op om kolen te lossen
in Vlissingen, Flushing op z'n Engels! Die flessen whiskey die z'in d'r ööd ao,
wier uuteindelek ma kouwe thee!!!
Foto 1909 't 'Schippers'uus' van Lee Jonker. D Achterste vier in 't midden binne v.l.n.r. Kees, Dirk., Nelis
in Jaop van der Klooster.
106
