Over Burghsluis van toen
door w.p. de Vrieze
'k Laete noe m'n gröótvaoder, Pieter Cornells Landegent (1884 - 1947), die op
Burghsluus eböóre was, mar us an 't wóórd. De vertèllieng hae over "t Sluusje
van zö'n tachteg, negenteg jaer eleeë, zodoende hae m'n ontaerd vare trugkieke.
Noe êêst vö de ménsen die nie van 'ier komme in d'r niks van wete. As m'n 't 'ier
in de West'oek over 't Sluusje dan bedoele m'n op z'n 'Ollans ezeid
'Burghsluis', de sluis bij Burgh, dat was destieds 'n kleine uutwaeteriengsluus van
de Burghse polder in d'ouwe kreeke d'n Aemer, Dat Sluusje was dan wï te verde
len in 't Ouwe Sluusje. 't Burghse hedêêlte uut 't inlaegje in "t Aemstiese stik. in 't
Nieuwe Sluusje. Dat is 't rijtje uuzen achter d'n tehenwöördige kaoje.
'n Eihenaordig volkje dae achter die'n diek... De mêêste ao mit 't vaeren, 't laeën
in lossen van bóóten te maeken. Ma dae woonende aok 'n diekwèrreker, 'n sluus-
wachter, 'n duuker, 'n vaerensgezel, 'n lichtwachter in 'n pak'uusknecht. Zèlles
tot 1870 was t'r 'n 'èrrebèrrege, de 'Bonne Futte'. Laeter ao Merien Schoonarte 'ier
tehen d'n zêêdiek 'n vlasserietje. die plekke is noe onder 't zandpletoo ver-
dweene. In d'n öörlog veerteg - vuufenveerteg is 't deu de Duitsers ofebrooke,
net as vier uuzen in d'ostie van Aart van Zuun. 't Waeter van d'n Aemer straomde
'ier bie laeg waeter tot vérre in de jaeren zesteg vanuut 't 'Wêêltje' deu 'n sluus in
zêêë. Omdat de Burghse polder aoher leit liep 's winters as de sluusdeure 'n
weeke nie oope kon. 't polderwaeter oover 't kaetje1 d'uuzen in. Soms tot flak bie
de kachel, dan was t'n zootje in uus, dat begriepe julder wé!
il
Foto 1902. De platbaomers in de kaoje van 't Nieuwe Sluusje. De HS 2 van Kees van der Klooster in de
HS 3 van Merien van der Klooster.
97
