waire d'r die't uusje nie bie't schuurtje konde ouwe in dan nog a's dikkels ère-
bergier wiere. Aok wienkeliers in ambachtslui konde't nie ouwe in rochte 'schip
per te voete'2. Ma't aolerslechst ao d'èrebeiers't. Wair of die mensen van leefde
in oe ze leefde ka j'eigelijk nie hoet onder woorden brienge. 'n Paireknecht ver
diende 6.- in de weke (dat aode ze in 1826 bie m'n overgrootvaoder aok al).
Ze mieke daigen van s'ochus aolef viere tot s'aivus achte in tussen schoftied
moste ze pairen voere in voor eten zurrege. Noe aode ze nog wel 'n bitje 'Jan
Kap' 3 zöas: vrie uusure, 50 roen airpelland, 100 musters, laiter 10 mud kolen in
as ze ziek waire, of as d'r 'n kind kwam, wier d'r van d'ostie nog a's wat toe'e-
schove. Ziekefonsen waire d'r nie in 't Erembestuur ao wel 67 bunders vast hoed
ma de pachten waire lége in dan most 't Erembestuur aok de bewairschole ouwe
in dat oorde nie zö: dat most de hemeente doe in zodoende moste ze pikke in
maoie4 om rond te kommen.
'n Erebeier kreeg 4.80 in de weeke. Di most uusure of 0.75 - 1.— in aole
weeke 'n maite tèreve van 24 stuuvers. Dus most de vrouwe 't uusouwen klêêë in
rêêë van 'n hoeie riesdailder. Noe kon 'n èrebeier nog a 's wat meer tuusbrienge
as'n in 't angenome wèrekte. Tèreve, heeste, aiver, rohhe, erten in böónen wiere
aolemaile in 't angenome esnee. Peeën wië in uutdoe was oak angenome werk.
Ze mieke lange daigen in de vrouwen moste aok mee of ze noe komdeweeke 'n
kind moste kriege of nie, toch ma mit de zekel in de brandende zonne stai snië.
De kinders wiere opeslote van 's ochus vuuve tot aolef achte. As d'r êêntje bie
was van 'n jair of zesse, zevene dan kon die de kleinere as ze wakker wiere a
zö'n bitje ankleeë. Die voelde d'r eige as 'n moedertje over aol die kleintjes. In as
ze zevene was, dan waire d'r toch wel vuuve die jonger waire, want 't was toe
zö: 'n vrouwe was net as 'n koeie, èluk jair 'n kind.
Noe zu m'n êêst 's kieke oe ze woonde. As ze 'n uusje aode mit 'n kaimertje van
viere bie drie meter, 'n wasvloertje van vuuve bie twêêë in 'n achteruusje5 van
viere bie twêêë in 'n aolef dan mochte ze agêêl nie klaige. 'k Weete nog hoed
van datt'r in de Brakke zes uusouwens woonde, (ik d'r zèlus m'n boterammen
opehete bie d'n ouwen Eine Fierre). Die dai mit z'n vrouwe enkel ma zö'n ach
teruusje, êên kaimertje a je 't zö noeme wil. Je most oppasse, anders stööte je j'n
ööd. Dai was niks in as êêne bestie in 'n spinne6. 't Uusje7 stieng vö aol de zes
uusouwens èregeus op 't ènde van 't of, op de kant van 'n dulve, van onder
émail ope. Wat is d'r in die helegen'eit 'kouwe elee. As d'ööste wind d'r op stieng
kö'j 'n ziekte opdoe. Die 'n uusje bie d'ostie ao zöas 'k êêst noemde was nog
hoed of. Die aode boove nog ruumte vö d'ouste kinders om te slaipen. In zö'n
uusje ao je twêê besties in dai tussen de spinne. Vaoder in moeder sliepe in êên
van die besties. In de regel stieng'r op 'n pair balkjes 'n kribbe op 't voetènde in
dai sliep'r oak êêne in. As't koud was in de winter trokke ze ze de bestiedeurtjes
toe in ze laige bezurgd. Frisse lucht wier nie over eprakkiezeerd in d'r waire d'r
die aok êêl oud wiere, ma dan most zö'n bitje van iesder weeze! As j'n kwaile
kreeg was dat 'n kwestie van enkele mainden in dan was 't of elaope. 'n bost-
ziekte8 was aok èrug hevairlijk, ma dai beterde d'r toch nog meer van dan van 'n
kwaile (de terieng zeië ze laiter). As d'r êêne z'n bêên of z'n èrrem brak kwam
d'n dokter dat aoltied tuus zette in 'k weet'r nie van dat'r êêne scheef ezet wier.
Da konde die ouwe dokters mieters hoed. Je zag vee kinders mit d'n Engelsman9.
D'r bêêntjes stienge zö krom as 'n oepel. Toch was j'r versteld van oe dat laiter
soms nog terechte kwam. 'k E van die Engelsmantjes ekend, die laiter hezonde
vierkante vinters oore waire.
106