Ten êêste d'n dune., 't Wemelde d'r van de knienen in mi 'n klein schopje konne
ze nog a's 'n knientje dokke12.
Ten twêêde: meneer z'n bossen. Rond durp laige vee bossen. Vee d'r van bin noe
erooid in is noe baogerd. Ma de bossen van de fermileje van d'n ambachtseer
binne d'r nog. De vrouwen van Aimstie, die t'r om verlege waire, ailde dair èlken
dag 'n vrachtje dooi out vö de kachel. As de man hin wèrek ao hieng'n nai strao
om 'n vrachtje planken 't ailen om 'n knienekot van te tummeren, of 't heitekot 's
op te knappen, (ze doe dat noe nog). Ten derden: d'n Bèrem. As ze toch niks te
doen ao hienge z'op de schreut13 lanks d'n diek. Mit laig waiter kö je onder an
d'n bèrem mossels aile. Dai laige d'r genog. Aok brochte ze wel's krukels mee in
as 't waiter èrig vare weg was mi 'n Oóstewind ao ze wel's 'n zootje wilkers. D'r
waire d'r die hienge èlken dag.
Ma de bossen van de fermileje van d'n ambachtseer binne d'r nog. (Coll. Gemeentearchief Schouwen-
Duiveland, Zienkzee.)
'k Weete nog hoed dat'r twêê vinters waire in die oa hin wèrek. Die hienge mit 'n
kasje op d'r rik êêl de conterij of in vroge of je hin lootje most In dat kasje zaite
de priezen. De êêste pries was aoltóós 'n ammonika, d'n twêêde 'n stelletje vö op
de schouwe. Affijn, 't kasje was vol mit priezen. 'n Lootje kostende 'n kwartje.
Over 'n weeke of viere speelde de looterie uut, in dan ao j'n pries of niks! Ma zul-
der verdiende 'n daggeld. Laiter mocht dat nie mi, vanwege de loteriewet!
'k Vinde 't aoltied nog jammer, dat de kinders nie mi raipe. Dat hai noe aomaile
verlore. Noe nog wat over onze wèrekvrouwe. D'r vaoder is a lank dööd. D'r
moeder bleef zitte mit vuuf kleine kindertjes. De moeder kreeg 5.— in de
weeke van d'n èremen in dai most ze mee rondkomme. Bie die 5.— kreeg ze
aok nog zö noe in dan's 10 musters uut de outkèreke". Ma oe lange kan de
kachel noe brande van 10 musters? Die vrouwe mit die kindertjes leeë èremoe as
'n luus an de wêêg15. Toe dat d'oudste jongen mit koeiewachten 'n riesdailder
verdiende, kwam d'r êêne van 't èrembestuur in die zei, dat de vrouwe noe mar
'n riesdailder mi kreeg in plekke van 5,--. Zö hieng dat in dien tied.
109