Dair oor wel's ezeid dat 't tussen d'n boer in d'n èrebeier vee hemoedelijker
hieng as noe. Dair kan wel wat van an weze, ma dat kwam omdat d'n boer in de
vrouwe even lank in even aard moste wèreke om te bluven die ze waire. Ze
wiste toe wel dat ze saime van dezelde hrond moste leve. Dai was anders hin
wèrek as bie d'n boer. Wel waire d'r 'n stik of wat an d'n diek, ma dat was hin
noem16. D'n èrebeier wist dat d'n boer 't aok nie zó brêêd ao in datt'n ieder
aogenblik bedankt kon oore. Ie wist aok mieters hoed dat as t'r êêne ziek was
bie z'n, dat d'ulpe van d'ostie most komme in van d'n èremen.
Ze kunne noe van de boeren uut dien tied zégge wa ze wille, ma bienai aole-
maile spronge ze bie as t'r zieke waire bie de knecht of d'èrebeier. Zeker leefde
ze saime nie zó vare van mekaore as noe, ma de hemoedelijkeid was vó 'n hrööt
dêêl benaudigheit dat ze zonder wèrek zouwe raike. 'n Enkelen oorde je wel's
zégge "a'k mar 's kust". Noe is dat aolemaile veranderd. Ze zégge "je kunne
waoie mit j'angenome wèrek in de slik in modder, m'n hai nai de D.U.W., dai
verdiene m'n hoed in dae keutele m'n ma 'n bitje", 't Za mien benieuwe wie t'r
strakjes nog bie 'n boer wèreke wil? Da hai êêmai verkeerd. In je kan aolus nog
nie machinaol doe.
Noe is 't beter vó d'n boer in vó d'èrebeier. Dai net sprak 'k nog zö'n oud mens
die vertélde da t'n koeien ewacht ao vó 2.— in de weeke. Vó Sondags kreeg'n
'n vierduistik. Op 'n keer dan ao d'n boer hin vierduistik in haf 'n drie cent, ma
d'oare weeke ieuw'n dat aolufje of in kreeg'n ma twêê cent. Ie oa 't wel zó vare
estierd datt'n 'n pair hemete land epacht oa in dat briengt a hauw tien mal zó vee
op as dat j'an pacht betailt. Toe wier'n 65, ie ei z'n land wegedai in ei zei: "noe
è'k lekker van Drees in ik doe niks mi".
Wat mot dat vó Domela Nieuwenuus in Troelstra in die mannen 'n ademachtig
mooi wèrek eweest om te prebeeren vó die èreme mieters wat hedai te krie-
gen. Omdat te behriepen oef j'agêêl nie zó róód te wezen.
Noten
1Boer die het niet vol kon houden. Ook wel uutespanne boer.
2. Na en rijke periode is hij nu helaas arm.
3- Op kosten van anderen (de boer).
4. Allerhande werk buiten het overeengekomen werk, zoals het lezen van erwten en bonen in de
avonduren door het gehele gezin.
5. Afdakje.
6. Voorraadkast.
7. WC.
8. Longontsteking.
9. Lijder aan de Engelse ziekte, (rachitis)
10. Schouder.
11. Oostelijk deel van het eiland.
12. Uitgraven.
13- Trachten iets te ondernemen.
14. Houten opslagruimte in de oostzijde van de kerk van Haamstede, op de plaats van de huidige
winterkerk.
15. Wandluis.
16. Niet de moeite waard.
110