De 'Strao'
As je noe dienkt dat ik je's za vertèle wair of de strao van daine komt dan ei'j 't
mis. Di d'r verscheie mee abuus eweest. Joh. Hubregtse, die zö ontzaglijk vee
uutezocht eit over deze contreien, docht aok dat'n d'r achter was in toe op 'n
hoeien dag kwam d'r eêne in die zei dat aol wat Hubregtse over de 'Strao'
eschreve eit hin wair was. As je mien vraigt, dan hlaofk, dat de 'Strao' onzaglijk
oud is Ma dat kan elkendeên je vertèle.
Ik hlaove aok dat de Aimstiese (in Burghse) de echte 'Strao' is (muschien
Rienisse aok nog) Vö de rest is 't aomaile naimaik. Die binne d'r vee laiter mee
behonne. Ik verbeele m'n eige dat de 'Strao' vee te maiken eit mit d'n vasten.
D'Aimstiesen 'Strao' vaolt glieke mit de Rose-montag in Keulen, aolebeie daigs vö
't behin van d'n vasten. De vraig is noe ma of de 'Strao' nog nie vee ouwer is dan
de Roomse Kerke. Dat is ageêl nie onmogelijk. In dan zu m'n 't motte bekieke as
'n vorjairsfeêst.
Vroeger krope z'op de pairen zonder zail, zonder beugels, zèlus dikkels zonder kleedje.
V.l.n.r: B.Th. de Vrieze, A. Dalebout, M.O. Hanse, M.P. de Vrieze en L.A. van derZande.
(Coll. W.P. de Vrieze, Haamstede.)
Ma dan kan 'k nie begriepe wairom ze dan nie behonne mit de 'Strao' in 't leste
van mairte 't ouwen. Ik noe a verscheie keeren de 'Strao' meeemaikt in de
sneeuw! Van 't jair moste ze eêst mit de sneêuwploeg de straite schoöne maike in
ze wacht tot 's middus in toe slore de pairen nog van de weg. Niks hin vorjair.
Dan m'n nog 'de krappe', an d'achterkant van d'oeven, in cle sokken, de pai
ren èluk vorjair 'n soört ontstekieng mit vee joekte. 'n Bitje vuuligheid pekelt d'r
uut in de sokke is cl'r nat van. Dat is de 'krappe' in dat zou dan motte komme
van 'n eêle winter op stal stain. Zeêwaiter zou dai hoed vö weze. Noe oor j'op
hin stikken meer zö vee van 'de krappe'. Dat zou kunne komme omdat vroeger 't
pairewèrek rond Sint Mairte an de kant was in noe bin z'eigelijk nooit klair. Noe
maike ze m'n nie wies, dat 'de krappe' heneze zou weze du dat de pairen mit 'de
Strao' 'n kwartiertje in 't zeêwaiter estain want dat was blange nie zö hauw
beter.
111