- 10 -
voirs. Jan Pieterz. tot sinte Pieters ende sinte Pouwels ten
hoghen Roeme ende de voirs. Lucas tot Onsqn Lieven Vrouwen
ten inenseel (Einsiedeln) ende dat sy elcx bysonder dair van
den voirs. Hove goet bethoen ghebrocht sullen hebben ende
ghebieden ende bevelen den voirs. personen hier omrne nyement
te misdoen noch to doen misdoen mit woirden noch mit wercken
up die verbeurnisse van hoeren lyven ende goeden.
Actum XXI dage in Junio A0 Ixxvijpresentibus etc.
3. RAZ, Veere, Rol van Criminele zaken 1^-72-.1505 (Lasonder
277) fo. k verso (nr. 2k), 27 XII 1^77.
Overmits een. parlement (twist(gesprek)ende gevecht dat
hy ende zyn medegesellen voirnt. tsamen hadden jegent
Pauwels Huge z.poirter ter veere Pieter Willemsz. den
scout vander veere in zyn officie doende hem vrede ver
manende ende veel quade rebellige woirden upten selven
scout gesproken heeft om welke misdaet ende rebelicheit
wille die zaken zyn van quaden exemple die selve cornelis
mit rechte angeleyt ende by vonnisse van scepenen vander
veere gewyst is by anspraken ende manen van den voirs.
scout him al int lange erst gehoirt in zyn antwoirde in
handen ende tot wille van mynen heere vander veere Soe
ist dat die selve mijn heer vander veere die sulke over-
daet ende rebelicheit niet ongecorrigeert laten en Wille
ende ymmer nochtan meer geneycht zynde tot barmherticheit
ende g.racie dan tot Rigueure van Justicie. voir zyn wille
in desen zake verclairt endè beveelt dat die selve Cor
nelis up morgen voir den noeme mit sheren knechten gebracht
sal worden uuter vangenisse tot der kercke vander veere
ende dat hy alsdan als die processie uutgaet voir die pro
cessie salin zyn hemde barvoets ende blootshooft hebbende
in zyn rechterhant een bloot zwart ende in zyn slinckerhant
een barnde kaersse tot om de kercke ende him weder gecomen
zynde inder kercke soe sal hy vallen up zyn bloete knien
zeggende ald(aar) voir dien vander wet vander. veere dat hy
bekent dat hy in den voirs.. misdaet die hy gedaen heeft
int rebelleren tegen'den voirs. scout en weygeren van vrede
in vermindertheit ende versmadenisse van justicie ver-
buert heeft naar rechte zyn lyf ende zyn goet oitmoedelic
bedanckende mijnen heere vander veere vander groten gracie
die hy hem doet in desen zake ende biddende den bailiu scout
ende gerechte vander veere inden name' mynen heere dat zy om
