ERREMAN IN BETTE In de Zaeterdagse krante Stieng een stikje ...kom mè deur, Ja,dan klopt men arte dichter, Vö die ouwe Schouwse fleur. Want as'z over Schouwen prate ZÓ as lest dien dokter dee. Kriek aöltied een stik in't keelgat, dan voel'k mee de mensen mee. Zukke mensen bin te priezen, Die komme eerlijk vó den dag Will't wete wat de zuugkracht van geboortegrond vermag. Jaèren zaete z'om den broaje, In't gefriemel van een stad, Mer nie èèn die in die drukte, Z'n geboortegrond vergat. Want het mooiste nog van Schouwen Is vó mien het laege land Uren ek er zitte dienke mee men vienger'oed verstand. Vaèk ek eimwee naè die daègen Da'k mee Bet van Coba vree, zEi de mienen nie mag óre, 't Jongen da's een tied'elee. 'z Is vertrokke nae De Reister, 'k Meène dat ze'r nog wè zit, 1t Was een wolke van een meise 'k Was zo groas mee dat bezit. 'k Zat vee mee ter in de Vlaeke, Want natuur,daer ouwe'k van, Zie was ok van Boere ofkomst, 'k Docht men óre vast een span, Op een aèvend aoit 't geduvel, 'k Zei toen:"Ister wat mee ons?" "Ik kan beter dan joe kriege, Dus ik geve joe den bons" 14

Tijdschriftenbank Zeeland

Nehalennia | 1981 | | pagina 16