DUN"GOEIEN OUWEN TIED"?
Jae..was ut toen zoe'n goeien ouwen tied?
As je dat verhael geleze heit,dan zal je dur wel van vrom
komme.
Lientje,un meisje van acht jaer dat bie mééster v.Klienk
op schole gieng,mos van schole of.Dur vaoder was vister
in der moeder veul ziek,dus tie kon ut niet alléén klaere.
Dus mos Lientje meehellepe.Zu was un klein maeger dieng,
mar ze wist van wangten in dat ze mar zoe korte op schole
heit gegae..van Klienk heit tur un hoap biegebrocht.
Ze heit ter eige aoltied goed kanne redde.Gelokkig,wangt
ze stong dur gaauw alléén voor.Dur moeder in nog un zusje
kwamme vroeg te stareven,dur vaoder mos nae zéé in zoe in
der ééntje kon ze voor zes kinderen zurrege.Dan kom ter
wat kieke..zes kinders kellef houwe,eten koke,de was doe-
we.'s Ochens mostte ze toch op tied in schole weze,wangt
nae schole most,van vaoder.Ze konne niet voor galg in rad
opgroeie.Toch kan je dan gloave dat tur wat komt kieke,
voor zoe'n maeger klein meisje.Wat zal vaoder vol zurrege
nae zéé gegae weze,mar ze mostte toch ete.
Meutje Moa weunende in de buurte,mar die had zelf un héél
krootje kinders dus schoot tur voor Lientje niet veul over.
Dat kan je begriepe.Dat kleine moedertje was januari 1877
gebore,dus ze most oak die barre wintere van 1890 nog deur.
Wat was ut koud in wat bleef ut vrieze.Ze kreeg van die
groate kloven in der viengers,die bevroze haest as ze de
was in de Spuije mos spoele.Dat dee ze soms in dun aerde
donker,as te kinders nog sliepe.Want om negen ure moste
ze in schole weze in dan mos ze éérst de wintervoeten
van der broertje nog verbinde.Dan ze gaauw ete geve in
dur broertje die nie in zun klompen kon mit tie winters,
op tur maegere rikje nae schole brienge.
Jae wat heit tat kleine heldinnetje of gevroet.Ze mos,as
ze de kinders schole gebrocht had,toch weer zieje dat aol-
les réé kwam,'t was zoe weer twaollef ure in dan mos ze ze
weer haele.Affijn ze kon de was bie de kachel droage as
te mééste nae schole wazze.Dat kon ze dan doewe twint ze
16
