Nou dat mos ik nie. "Stae dan nie zo te dammele,meid
Ik worre droaierig van je".Gek,ee,dat je dat onthoudt,
mar 't was oak zo'n bezonderheid.Eindelijk sloeg de
klokke zeven ure,in m'n mochte in 't koor.De mensen
dronge zo op,dat moe haest Hans kwiet rocht,mar ein
delijk gienge m'n dan over d'n durpel.Wat ik toen zag,
was zo'n wonder,dat ik stokstief bleef stae,tot ik 'n
por in m'n rik kreeg van de vrouwe achter m'n.Jae,'t
was 'n wondernHoagen boam mit witte lichtjes,die
flakkerden in flonkerden in 't donkere groen van de
naelden.Zuivere ballen en zuivere snoeren hienge d'r
in.Daer lag echte snêêuw op,die nie smolt.'t Was zo
mooi,dat ik wel schrêêuwe kon.omdat ik zuvvel moois
niet kon bevatten.De koster wees ons 'n plekje an.
Ik kon d'n boam goed zieje mar Kloasje zag allêên
mar de bovenste takken,affijn die waere oak móói.
Toen vertelde de mevrouw van d'n domenee 'n verhael,
mar ik was zo veraltereerddat ik wel d'r stemme
hoarde,mar niet,wat ze zei.In toen moste m'n bidde.
Ik vond 't aarig 3) om m'n oagen dicht te doewe,mar
ik wou God toch oak niet boas maeke,want 't was de
verjaerdag van zien kindje.Ik was blieje,dat d'n
domenee Amen zei.In ik dronk 't licht in de heerlijk
heid van dien boam in,as 'n wonder van gelok.
'k Gloave,dat ik nóóit mêêr zo oprecht vroom geweest
binne,as die Korsemisse.Nae het ziengen krege m'n
'n kommetje sukeloademelk in 'n kerskransje.
Toen kwam 't groate oagenblikdat de naemen ofgerope
wiere,in je om je kedootje moch komme.Ik kreeg 'n
groat pak.Ik voelde al,dat d'r 'n boek in zat.
Dat was kosje 4)want ik was toen al zo'n leespoppe.
Bie de deure kreeg ieder kind nog een zakje mit 'n
korsewegge 5) in 'n setroenappel.Hoe m'n thuusge-
komme binne,weet ik niet,mar ik za wel ammar hoa
loape praete,want dat doe'k nog,as ik over m'n zenen
heen binne.In thuus uutpakke: Kloasje had 'n nachpon
in 'n poppetje,Hans 'n paer lekkere dikke kousen in
'n boek,in ikke oak 'n boek in 'n broek,'n eigenge-
breiden broek mit blauwe bandjes om dicht te strikke.
44