"'T STERREKEN VAN BETHELJEM" door Ed Steijns t 'Is gebeurd nou bekan twêêduuze'd joar geleeën. Oan de sterren'emel was 't al inkele doagen 'n drukte van belang.Over twêê doagen zou 't op de wjêreld Ke'soave'd zijn.Dan zou 't Ke'stkindjen ge boren óóren.En êên ster van de sterren'emel zou uigekozen óóren om op dezen nacht boven t' stalleken van Betheljem te meuge' stoan.Doar deur zou'n alle mensen keune' zien woar dat Ke'stkindjen geboren was. Al de sterren woaren a' doage' lank bezig om ulder eigen op te kuisen.Iedere ster wien of docht da' ze in oanmerking kwam om êê'st t' oóren kuisten eur van onder tot boven êêlemoal af. d' Een wou t'r a' schooner uitzien a's d' andere ze wouwen makoar de loef af steken,want de schoonste ster zou boven Betheljem meuge' stoan. Al de mensen van de wjêreld zou'n dan keune' zien oe schóón of t'ie ster was. En dat 'r gêên êên ster schooner was a's 'eur. Op d'n oave'd da' te ster vóór Betheljem zou óóren uitgezocht,was 't vóór de póórt van d'n 'emel 'n êêle begankenis.Al de gróótste en noa dan ze zelf dochten schoonste sterren stingen ulder eigen te verdrimmen oan d'n ingank van d'n 'emel. A'moal wouwe ze va' vóren stoan,op de beste plek, zóó dan ze goe'gezien kosten óóren. Inkele van de blêêkste en schroalste sterrekes wien ovven toch gêên kans oaien om êê'stes t'óóren stingen 'êêlemoal van achteren de zoak goai te sloan. Ukke schóóne sterren dan d'r toch bij zijn,dochte' zeSommigten oaien 'êêle lange stjêrten,wien ovven blonken da' ge d'r 'ost blind van wier.Êên oai t'r ne stjêrt van a'moal vier woar dan de vonken vanaf spêêten. 40

Tijdschriftenbank Zeeland

Nehalennia | 1982 | | pagina 42