Naemens de kascommissie zei den eer Van Westen,dat
alles hoed bevonden was et bestuur oopte wê da men
ok nae de voorjaersvergaderienge zoue komme,daeoor
dan besproke of ter bie de contributie mot,dae zu
men wênie onderuut komme 't is op 12 april,ontoue mè.
De bestuursverkiezinge was ok wêê een fluitje van
een cent dat was zo ebeurt,dae kunne eêl wat vereeni-
giengen een puntje an zuuge.Ed Steijns wier,al out
ten daer ageel nie van toch eve in 't zonnetje ezet,
mie een versje van mevr.Van Leeuwen.Wullemse zei ok
nog wat over 't amateur toneel in dialect dae binne
ze mee bezig,in dae kunne ze der nog bie gebruuke.
Mit de rondvraege kwam er nog wat uut de busse er
wier evroge of ter nie wat meer an de ledenwervienhe
edae kon ore noe daer is 't bestuur a an 1t doende,
dae ore men wê van.De Vin vroeg nae de Vlaemingen
in Brasilie,die waere pas nog in 't nieuws ewist.
Mevrouw Westdorp (Dl) vroeg om dialect op de scholen
te kriegen.De Ollanders motte dat ok nie zo of kamme,
't schil natuurlijk ok wae vöó meester of juffrouw
der is.
Toen was mevrSchippers aan bod dae vereeuge men
ons altied op,da wiste me nog van de vorige jaeren.
Ze pakte men dan ok es uut ê,bêl,bêl wat men elache.
Ja in waer of noe de kaerte van Z.Vlaanderen op stong,
dat vertel ik lekker nie 't was van 'd Ee tot onte-
nisse,in waer of reuzel anie goed voor was è,de ma-
niere waèr a ze 1t op bracht,was toch zö smaekelik,
de voorzitter zei dan ok,'t was op der lief eschreve
in dat was zó.
't Wier toen tied om te eten 't smiek wee best je
zie dan nog es oue bekenden ok,'t was wee goed van
de kost zei Van Boven mae me moste varder.
Eerst kwam noe mevr.Everse mie den eer Harthoorn
aan de piano die zong,mense,mense waer ael ze den
aesem vandaene.Ze jubelde 't mar uut.Daerna waere
de Axelaers an de beurte mit Platteel ie lei alles
netjes uut,oe at ze an der vleugeltjes kwaeme,mit
der volkslied besloten ze.
46
