DIALECTDAG 1984 IN THOOLS DIALECT
door
M.W.Blaas(met medewerking van P.Boot)
't Is wêê zo verre. 20 oktober de dialeetdag.
Van alle kanten waere ze d'r wêê.Je zag vee ouwe bekendenkortom m'n
waere wêê onder mekoare.
In da behin a regerecht mit de onvangst van koffie mit 'n bolus of zo a
je wil een jikkemiene of een drol.In a je gêên koffie ebbe mag of nie
lust,dan krieg je wè tee.
De voorzitter menêêr Geuze(bie ons bekend as den inzenjeur) opent dan de
verhaedrienge mit êêst alle anwezigen welkom têêtenwaebie in d' êêste
plaes de waernemend commesoarisden êêr Boersma.
't Is allemae nie zo éénvoudig zeit'n êêr alles in kannen en kruuken is,
want 't bestuur was Sok nie compleet bie mekoare te kriehen.
Menêêr Kluuver was t'r nie,mevrouw Haak in menêêr Fase nie.Ook menêêr
Boone was t'r nog nie,mar as 't vliegtuug mar op tied kwam dan zouen nog
wè komme,want ie most 's middags voordraehe weet je.
In dan misse m'n,mit piene in 't arte,onze mevrouw van den Broecke die
jammer genog ziek was,nie ernstig ma toch nie verantwoord om zo'n drukke
dag mee te maeken.Z'is tenslotte een ènde in de tacheteg.
Dan stond de voorzitter even stil bie 't jaer 1984.'t Was onderd jaer
heleeë da mevrouw Ghijsen,de samenstelster van ons Zeeuws Woordenboek
heboore was,in dat noe de 7e druk was uuthekommeDe êêste oplaehe bestong
uut 1000 exemplaren,bie de 2e druk waere ze wat zuuniger mit 750,in de
3e opl. mit 1250 exemplaeren.
In noe dan de verschiening van het 4e regioboek: "Dialect op Noord-
Beveland". Zuud' beveland in Thole dae bin ze mee bezig.
Zo vertelde ie verder over 't dialect,da van Schagen hezeid eit:
"dialect is geen toeval",in dat 'r over mevr. Ghijsen hezeid is:
da ze andzaem,flienk meehaend in werkzaem" was.
Dan noemden ie nog een êêleboel woorden op,o.a. dat 't woord dulve
eihelik sloot beteeket.in dulve komfan "delven" in dienk noe mar om
"grachten" dan behriepe m'n ook oe a Delft an z'n naem hekomme is.
Verder raffelden ie nog een reitje hezegdes af,zoas: kwa zei buure,in ze
bleef nog 'n uure - él-bel-bel - m'n eden - vrêêd vo de wereld nog toe -
achei, wat ek 'n vaeke - ennoe - gosternokke.
Dan atten't over 't lest verschenen Zeeuws Tijdschrift,daer stond een
stikje in van G.J.Lepoeter over de Wulleminapolder waerin over C.Burger
verteld wier wat'n allemae hedaen ad,onder bekenden Bram uut de Slik'oek
henoemd
Nae deze openienge bedocht de voorzitter de leeë die dit jaer overleeë
waere.Ie vroeg om even stille te wezen.
Toen behon ie an de agenda,die vlot wier afhandeld.Oele zei nog wat over
de centen,in van Westen zei dat alle stikken in orde waere.
Bie punt h. kwam an't woord den êêr Eêstermansheboore op Vosmêêr
(in noe weunt'n in Olland) die man eit den dikke van Doale nog dikker
hemaekt.In ie prees het Zeeuwse Woordenboek as een prachtig in dehelik
werk.ie vertelden dat'n deu' z'n studenten ei laete onderzoekede naemen
van timmermansgerêêdschappen,vooral beitels in schaeven,in de naemen van
de hebruuken bie de meulenaersDen êênen hieng nae de timmerman in den
oaren nae de meulenaer.Zodoende kwam 'r nog êêl wat boven tafel.
Nae den êêr Eêstermans kwam mevr.Soldaet-Poofliet an 't woord over 't
regioboek Flakkee.Ze doet d'r naem eere an,want as een echte soldaet
staet ze op de bres vö d'r dialect van Flakkee.
41
