ee,omdat vó julder is za'k ma zehhe een riesdaelderdas naebie niks ee.
Ma mevrouw vond 't te diere in zei:"ik betaeleéénfuuftig" 1.50? da's
praet van niks v6 zukke pronte vis.Op 't lest kreeg mevrouw de visjes vó
twee hulden in Koatje leurde wêê verder, Scharretjoee.s
Ze vertelde óók nog over hornet die ze verkochtVuuf cent vó een kommetje
bie de riekeluivier cent bie de burgers in drie cent bie de èrreme mensen,
in allemae mi et eiheste kommetje.Zo beduvelde ze iederéén, z' ield altied
d'r duum in 't kommetje.
Nae de voordracht van mevr.Schippers sluut de voorzitter de ochedverhae-
drienge.Ie stelden voor om ons aperetief ma mee nae taefel te nemen omda
mé op 't programma achter waere.
In drie gróóte zaelen zatten m'n an de koffiemaeltied mit alles d'r op in
d'r an.M-n liete ons eihe nie onbetuugd,da spreek vanzelf.
't Is een êêle obbelegoasie óór vó 240 man,in alles keurig heregeld!
Op ieder bord lag een hekleurde anzichtkaerte van de gróóte kerke van
Kapelle.Da kwam eihelik zo: Oele is boekouwer of penningpiêêster of zo ies
van die kerke in ie was zo om klein held verlehe in toen verkocht ie ma
gauw een pertijtje kaerten an de verêênehieng
Vó dat het middagprogram behon adde m'n nog even tied om bie de boeketae-
fel te kieken of d'r wat van je hading bie was.Dae wier dan óók druk he-
bruuk van hemaekt.
Me konne wêê op tied behinne in toen kreeg den éér Bóóne 't woord.
Gelukkig was ie nog op tied.
Bóóne ei verteld over"Dorpshumor op Walcheren"Ie behon mittverael van
Burhemêêster Viruly van Westkappel.Dat was zo:
Gabriëlse was hemêêntebode.Ie most nae de verhaedrienge van de hemêênte-
raed een borreltje schienke.De burhemêêster zouwen wè waerschuwe wannéér.
Gabriëlse kwam mit een schienkblad mit negen glaesjes.Ie zette et blad
op taefel,trok z'n zakdoek uut z'n zak in ie behon de glasjes uut te
poesen.De burhemêêster zei: wat doeijenoe.È ie zeit m'n vrouwe maekt
óók altied de glaesjes schóón.Doe je dat dan mi je zakdoek? vroeg de
burhemêêsterIe zei,wat geeft dat,die is tóch vuul!
Toen atten't over Jan Spierbal die mit vis leurde in bie de notoaris kwam.
De meid vroeg wat kostense? De dunne bin een daelder,de dikke een ries
daelder.Ze vond ze te diere.Ie zei,je wil zeker dikke vó weinig centen.
Noe dan freet je ma komkommers.
Et derde verael was over Minderout die weunde op Westkappel.
Daer a je pronte vrouwelienge in vinters óók.Minderout die 72 was,was
zo'n pronte vint in die kwam bie den dokter in ie vroeg dokter wi' je
m'n es naezien.Waerom,zei den dokter.ik wille gaen trouwe mit Wanne
van de Achterommeik wille óók nog kinders.De dokter zei dan za je we
een logé motte vrahe.Da za'k dan we bekieke.Nae een stuitje kwam de
dokter Minderout tegen in ie vroeg oe of 't mit z'n vrouwe hieng.Ie zei
êêl hoed,ze mot een kindje kriehe.in de logé óók!
Zo as altied eit mevrouw Schippers-le Bleu óók wat vóórhedroohe
Twee stikjes geschreve deur prefesser van 'Oute.Ze êêten "Muusjan'nk'n"
in "De nieuwe doomnie". Dat van Muusjan'knk'n hieng over den doomnie in
de sikretoaris.De sikretoaris dee z'n beklag bie d'n doomnie over z'n
vrouwe.Die was weggeloape.In wat noe.Z-ad een briefje achterhelaete in
dae stong op "ik komme nie terug".In noe was de vraeg: kan d'n doomnie dae
wat an doen? Jao den doomnie stelde voor een affertensie te plaesen
"Uusouster gevraegd"-'uwelik nie uutheslote"In wat dócht je,dae kwam
ééne brief op.In je raedt 't nooit.Van z'n eihe vrouwe!
't Is toen nog hoed gekomme.
Het oare verael hieng over den nieuwen doomnie.
43
