Ook het gebruik van de schotel is verdwenen.
Maar lekker blijft het vooral bij koud weer. Succes er mee!
Mevr.A.Bom-Koster zendt 'n recept over krukels en andere 'eerlukeden.
Op Iese ka je zóvee krukels kóópen as je wilt.
Kom je d'r mie tuus,doe ze nog even in 'n emmer,roer d'r mie een stok in,ons
gebruken altied de bamboesstele d'r voor.
Was ze 'n paer kêêr.Zet 'n flienke panne mie 'n deksel op 't gas of' elec-
tries en laet 't waeter koken.Dan de krukels d'r in,flienk peper d'r bie,
en 'n bitje zout,nie te vee.Laet alles drie menuten koken en klaer is Kees.
Of laeten koelen,as 't kan buuten voe de lucht.'t Is erg lekker bie je
bróód.Ons en vee mensen op Iese,mae ok op Tholen eten ze bie Paesen mie
krentebróódNoe doen sommige mensen tegenworig prusies dezelfde kruun d'r
in as in de mossels.Das dan soepgroente,juun,peper,laurierblad en een
bitje zout.In óns ofje aen we salie en 'n bladje d'r van in is ok lekker.
Ik zou zo zen,probeer 't is en smaekelijk eten.
Durf je ulken te eten,
Belgen bin d'r zot van: doe presies hetzelfde,mè dan we tien minuten koken.
Langer is nie noodig.Die eten wu zó noe en dan wè uut vuustje.
Ja,da bin noe spullen die van nature verpakt zien.
Belse vissers eten ók wè rieke mans, da binnen ulken waerin een klein
kreefje kruupt en dae smullen die ok van.
E'n krukelaer bezig mi 'ut raepen van de beschreven lekkernij
50
