een deken in joe us lekker toedekke in dan de kachel us flienk opstoke in dat
wurm us een beetje anklêê"Arjoan dorst varder niet veul te doewen.Mar nae een
hortejewas de kleine jongen angeklêêdeen bakje gezet.
"Zo,noe krieg je een bakje van m'n dan gae ik nae stee den dokter belle in je
man van zen werrek haele.De kleine jongen neem ik mar mee".Dan hei je daer oak
gien omkieken mêêr nae".Toen Gerrètje zo goed in zo kwaed verzurgd was,nam
Arjoan den kleinen op zen schoere in in een vaertje nae huus.
Gêêrt stong al op den uutkiek"Waer bei joe zo lange geblevelêêleke landloaper"?
riep ze al van varre.Mar ze keek wel roar,toen 'n inplekke van een haes een
klien kind bie der neer zette.Hie vertelde gauw alles,belde den dokter.
Gêêrt had de auto al gestart in ree nae Gerretje.
Den kleinen stong êêrst wel wat verweze te kieken,mar mit de twêê andere kin-
ders in niet te vergeten opoe die de winterkouwe bie der kinders ontliep,viel
ut alleraaele wel mee.
Gêêrt bleef bie Gerretje tot den dokter kwam,pakte der spulletjes in,in zurgde,
dat ze veilig in wel in ut ziekenhuus belande.An Joap had ze nie' veul,want die
was zo overstuur,dat 'n niks waerd was.
In noe was ut den KorsemisseDe Kerstboam brandde,de kinders keke mit groate
oagen nae al die moaie lichtjes.Drie kinders,want de kliene jongen van Joap
in Gerretje was der oak net as Joap zellef.Die gieng strak weer nae zen
moeder,mar den kleinen bleef bie Geêrt in Arjoan in de kinders.
Gêêrt zat zo stilletjes te kieken nae 't hêêle stel in lachte even.
"Arjoan",zei ze,"wat hoa 'k toch een roare vent.Hie gaet weg om een haes te
3chieten,in wat briengt'n mee?Een kind. Je bint beter dan de soldo&ten van
Herodes oor.Die schote ze doad,in joe briengt der êên mee."
"Och,wat za 'k der van zegge? 't Heit zeker zo motte weze,gêên haes,mar wel
een kind mêêr in huus.Wees noe mar blieje,dat 'k zo eigewies was cm een haes
te wille schiete,want anders had de erreme meid nog langer daer motte legge.
In dat kleine kloatje mit zen bloate poatjes was verstêend gewéést."
Opoe knikte: "Lae men mar dankbaer weze,dat men op deze Korsemisdag de één
voudigste van alle geboden hoa kanne vervulle: "Heb Uw Naaste Lief" .Op den
dag van de geboorte van Christus staen onze harten mêêr ope Voor goedheid in
liefde as op oare daegen.Mar laete men noe prebere in bidde dat onze harten
ope bluve voor al onze medemensenDan hoa men de booschap van Christus
geboorte verstaen in hoa men een gezegende Korsemisse"
50
