DIALECTDAG 1986 VANUUT ZIERIKZÊÊÊ BEXÊKE
deu
A.Leijdekkers
Kiek an,dae zit 'k dan naest m'n blomstikje,'n kleurig resje van 'n kleurige
dialectdag.An variaosie eit 't nie ontbrokel
Gestèrrekd deu koffie mit 'n bolus binne m'n dien achttienden oktober mit
'n twêêonderdvuuftig man van start gegaeVerstae m'n wè,d'r zaete 'n straele
mit pronte vrouwen onder!
d' Êenige plekke wae dat uutgesproke schraoltjes was,was achter de bestuurs-
taefel.Ma.dat mocht de leut nie drukke! De vrouwen waere zèllefs naedrukke-
lijk anwézig.'k Oeve alléén ma naemen te noemen zoas Mevrouw v.d.Broecke-
de Man in Mevrouw Oele-Leijs!Nêêë,bienae nie anwezig waere de Schouwen-
Duvelanders.'k Êbb'r op de dêêlnemerslieste ma 'n stik of zeventiene geteld..!
Dat mag dus gin naem ebbe. 'k Êbbe m'n eige wies laete maeke,dat 'r 'n
regioboek over Schouwen-Duveland op staepel staet dusSchouwen-Duvelanders
laet Kapèlle gin "brugge te verre" wéze!
Deze keer was 't de beurte an 't regioboek
"Dialect op Tholen en St.-Philipsland"As je noe naegaet.dat vorig jaer 't
regioboek "Dialect op Zuid-Beveland" 't licht zag,kunne m'n wè zegge,da m'n
wêerig bezig binne. 'k Durreve wè "m'n" te zéggen,a bin 'k 'r bie m'n eige
van overtuugddat Mevrouw v.d.Broecke-de Man de "grieze motor" is,die dat
"boekekarretje" lae rieë,ma,d'r zèllef van getuugde.dat z't zonder ullepe
van ons aomae.nie zou klaere.
De kormissaorls kan zodoende onze dialectdag oak wè jaerlijks in z'n agenda
zette! Da schien vaste prik te worren,meneer Boertien!
'n Vertrouwde verschiening is oak d'n éér Van der Peyl.Die eit 'r ma druk
mee.Die ouw noe a drie jaer achter mekaore 'n "gêêste3kind" vó d'n doop,
in ie brlengt 't dóópwaeter nog mee,oak! Zukke mo m'n èbbe!
De kcramissaoris zei,dat zó'n dialectdag 't kenmèrrek eit,iets "los" te
èbben.Je spreek aomae je moer's tael.in dat geef 'n band,die deu z'n bin
ding de omgang mi mekaore op 'n êêl prettig,eigenschappelijk plan briengt.
Dat kom oak zo uut bie die gezaemelijke maeltied.Da's één van de óógtepunten
van zo'n dag.Dae oor Je in zie je wat in,kweek je begrip vö mekaore mit 'n
praetje in 'n leutje.A Je,mit je Zierikzêêse kopje tegenover zó'n Walcherse
of Bevelanse kappe zit leer je invoele,da ze 't goed bekéke èbbe die èrremen
bie de kèrrekgang te laete bedekken mit 'n labbedisseDie omvang steek rie-
kelijk uut boven 't flintertje roakvleis op je boteram.
Professor Van Houte mot oak mit die beelden geworsteld èbbe toe t'n
"Van d'Eè tot Hontenisse" schreef!Êêl Zeeuws-Vlaenderen uuttekene op 'n
achterwèrrekdae ei je ruumte vo nodig.... Dat schilderwèrrek zó beeldend
brienge,dat kan d' ma êêne: Mevrouw Schippers-Le Bleu!
De soep eit 'r nie minder om gesmaekt!
Van Vlaenderen nae Zeeuws-Vlaenderen bleek ma 'n klein stapje te wezen op
dialectologisch gebied.Mevrouw Magda DeVos brocht dat mit vervoering nae
vore.A was dan de kaerte van Zeeuws-Vlaenderen nog wit op 't 3chèrrem,dae
wor an gewèrrekt.Zó t'r a 'n dulleve zou wéze,deu zukke contacten mit onze
Zuuderburen wor t'r 'n aordig "dammetje" geleid.
'n Kleurige dag,dat ka je wè zégge.Anêêns waere dae de dames Oögedeure in
Jóósse op de plankenAneêns 'n piano,die vaerdig wier bespeeld om 't koppel
te begeleiden op d'r reize deu Thole.Of 't daegelijks wèrrek was.
"Zeeuwen door de eeuwen" Zeeuwen van Noord tot Zuud,van Thole tot
Vlaenderen,in,m'n verstae mekaore!
54