Noe vaolt 't wè 's nie mee as ze dae Oóstvlaems achter de microfoon te
kêêr gae. k Êbbe wè 's 'n prume gemist bie de biecht van Gêêrtje!
D'n vlotten Vlaemsen aerd van d'n êêr Steijns sproeide zó sappig deu de
zael.da'k zo noe in dan "onder-titeling" nódig ad.Ie kreeg de anden makke
lijk op mekaore mit de belevenissen van biechtstoel tot in het staminee!
In,wat dienk je,dae zaegen m'n anêêns de baes van "De Vroone" in 't boere-
paklle zag t'r keurig uut.Gin mens zou't gewéte ebbe,as 'n 't nie gezeid ad,
dat 'n 'n gat in z'n klompe ad,z'n broek te nauw in z'n pupen te kort waere.
't Woei nie,dus z'n oed bleef stae.Lag dat noe an dien oed of an dat ood
Dae liet 'n z'n eige nie over uut.Dien êêr Oóstoek wier zó ma 'n vaode fi
guur vó m'n.'t Is per slot de man,die,deu de jaeren éne dat dialectvolkje
mit koffie,bróódjes mit opsnit,jikkemienen,'n glaesje,licht in wèrremte an
de praet most ouwe.Daebie kwam nog,dat z'n "gezin" steeds gróter wier.
Dank zij d'ullepe die t'n neas 'n eit kan 'nt nog steeds rooie!
Ie brocht z'n overkomsten mit die dialectdaegen in dichtvurrem over.
'k Êbbe wè begrèpe,dat de familie Oele vée indruk achtergelaete eit
't Is 'n flienke vent om te zien,ma nae z'n "biecht" kiek'k nog meer tegen
z'n op.
Artisten èbbe de gaeve om diengen an te voelen,wae je nie zó gauw èrreg in
eit.Engel Reinhoudt ad wat wêêmoedigs in z'n liedjes geleid,in dat kwam,
jammer genog,van pas.Want, d'r zat op 't einde toch nog 'n broeinékel in
m'n blomstikje.
Ir.Geuze stap as voorzitter op.Da's 'm kwaeie zaek.Die markante figuur mit
z'n,mit umor deuspekte anpak,gae m'n misse,dat geef 'k j'op 'n briefje.
Het nieuwe bestuurslid,d.n êêr J.Leune,ei z'n eige nog nie laete zie in
zodoende voel 'k m'n eige toch 'n bitje wêês...
't Viel m'n wè op,dat de voorzitter afscheid nam,zóas 'n de bieêênkomsten
ei geleid:nuchter in mit umorlVóóraol die umor is 'n element,die ménsen
bie mekaore briengt in ménige obbel glad striekt
Ir.M.A.Geuze: ie wist van wanten,ie was 'n stuwende kracht!
'k Wens 'n nog lang 'n goeie gezondheid toe,zódat m'n 'm èllek jaer in ons
midden magge begroete op de dialectdag,die,oak vanwege zien inbrieng is
geworre wat 'n noe is: 'n Gróte familiedag,goed rond in.. GOED ZEEUWS!
Tot ziens op zaterdag 17 oktober 1987 in "De Vroone".
55
