TE VROEG GELUUJD
door
M.J.van Leeuwen-Hamelink
't Durp was 'êêl erg Oranjegezind en ze liet'n dan ook gêên gelee-
g'n'eid voobii gaon om 'n Oranjefêêst te vier'n.
Al de durp'n en plekk'n in de omgevieng wist'n okke schöóne
Oranjefêêstn ze konn'n ouw'n en dan kwaom'n z'oovró vandaon om te
kiik'n oe schóón d'r was gekroond en okke móóie poort'n d'r wè
stieng'n.Jaot.ze konn'n d'r wé van,'óór.Verlee' jaor aod'n ze nog
zóó geféést toen Prinses Juliana getrouwd was mie Prins Bernhard.
't Was vrêêd schóón gewist.
En noe zou 't wee gauw féést ziene.wan' de Prinses verwacht'n 'n
kindje.'t Zou in Janniwaori geboor'n 'óór'n.was t'r meegedêêld.
't Was 'n spann'nde tiid voe 't'êêle land.Over de raodio 'óórd'n
en in de krante laoz'n ze d'r van alles over.Z'óórd'n dé de ver
slaggevers van de raodio en de krante voo 't Paleis op d'n uut-
kiek laog'n.as 't waore.om te kiek'n of ze d'n ooijevaor nie
zaog'n an komm'n vlieg'n.
Jan ao gezeid dé tie d'n êêsten zou zien die de vlagge uutstak.
Die lei klao voo 't raom.die most 't um allêênig nog nao buut'n
steek'n ad 't bericht deu kwam.
Dao wier ook druk nao de raodio geluusterd deu de mêns'n die t'r
één aod'n.Wan toen aod iederéén nog gêên raodio,'óór.De mêns'n die
d'r gêên aod'n gieng'n bie udder buur'n nao 't nieuws luust'ren.
Mao niksóórgêên nieuws.En iederéén verlangd'n d'r toch zóó nao.
't Was zóó lank geleej'n dé t'r wa jonks geboor'n was in de
koninklukke fermielje.A van dé Juliana zelf geboor'n was.
Ze most wé op gaon schiet'n,wier d'r gezeid.Strekjes was de
maond uut en was t'r nog niks.
Dan wier 't nog 'n strop voe die wienkels die lepeltjes en hor
retjes opgedaon aod'n mie Janniwaori 1938 d'rop.An wien zouw'. ze
die spull'n dan nog kwiet kunn'n? Jao.dao waor'n d'r méér die von-
n'n dé t'r 'n bitje gank gezet most óór'n.Luuster maor es.
't Was 23 janniwaorisaovens nie zóó vroeg méé.Dao waor'n
mêns'n nao bed en dao waor'n d'r bezig mie nao bed te gaonne.wan
merg'n zou 't wee vroeg dag ziene.Dao zaot'n d'r ook nog nao de
raodio te luust'ren,die wouw'n 't leste nieuws nog 'óór'n.
En toen inééns,dao gieng as 't waore 'n schok deu 't durp.
Wé was dé noe? De kêrkklokke luujd'nEh mao.m'n 'eed'n,
dan is t'r wé geboor'n.Wa zou 't zien? Vlug nao 't durp.mêns'n,
dao 'óór'n we wè méér.
De mêns'n die op bed laog'n.mao nog nie sliep'n 'óórd'n 't ook,
klomm'n uut de bedstee.trokk'n zóó 't één en 't ander an en liep'n
nao 't durp.De mêns'n die bie de raodio zaotn,óórdn 't ook en
12
