MIE 'T 'EELE UUSOUWEN OP STAP MIE DE KAPWAEGEN VAN OUWELANDE NI DE
PERPESÊPOLDER
Een voordracht door Kaatje de Jager(mevr.K.Krijger-de Jager geb.1898)
gehouden ter gelegenheid van de 20e verjaardag van Adri Jacob Willem
van Eenennaamhandelend over een tochtje van Oudelande naar de
Perponcherpolder(te noorden van 's Heer-Arendskerke)omstreeks 1905-
1908.
Deze voordracht ontvingen wij van Dhr.J.J.Mol te Kapelle.
D'n oest was binnen en as ekstra zou moeder oestkoeken bakke.
Jêêr voe jêér 'n êêlen ambras,vierstenen in d'n èèrd.an weeskanten
twêê;koekiezder d'rop,out kappe en d'n brand erin.de koekpot mie dèeg
stieng hereed.De pollepel d'rin.'n vurke mie 'n kruppe spek om te
smouten,en noe begunne.'t Vier bran nog ard.oppasse da ze nie ver
brande! Dan hauw de koekschoppe bie d'and,mé jewel di steekt de wind
op de schauwe en röke at bost.Moeder hauw de babbe d'r voor mé de
platte koeke oot werm henoeg.Oans as huus wachte toe am me 'n koeke
krehe.Eèn mé oor,je mó mé wachte toe van de mirreg.an téfel.dan kuje
buuk voléte.Vaoder kom ok es in de kête kieke.ké ok wé zin in 'n
koeke,zei t'n.mé ik mót 'r krupvet op en hin beuter,en dan mooj'r
voe mien mé 'n spekkoeke bakke.Dat was klaer en dan haen ete.
Mé onder 't eten zei vaoder: 'n Zitterdag ist Hoese mart en noe docht
ik zó zouwe me 's ni moe Siene en nom Eine hae.dan kunne de huus ok
mee.Jaa.mé moeder zei: Mé Wuulum kunnen me óol in die kapwaegen
Vuuf huus en oans da's zevene.man ik weet wé oe at gaet.'t is ruze-
muze onderweg en eer aj 's kléer bin's ochens.en wat za moe Siene
en nom 'eine di wé van zéhe?
Mie vee vuven en zessen.de reize hi deur.Voe de huus een verzetje.
Nog 'n péer daegen en 't is zitterdag en oans allange blie.
't Was aele daegen over die kapwaegen,moe Siene en nom 'Eine
't Was ok 'n ael ende ni die Perpesèpolder.Moeder zei 's ochens wat
vroeher uut bédde want me motte toch êêst melke en de kalvers en de
verkens bestelle.en dan d'oenders en de katten eten geve en wat nog
aol.Dus akkoord van Putte.Vaoder de schuure anveege anders hing de
reize nie deur.En voor am me hinge ete moste me de schaepen nog melke.
Joanetje vastouwe en Kaotje melke.Dat hing d'r over.schuum op 't
aemertje.Haen ete en ons hoed andoê.
Vaoder kon z'n knoppen van z'n boezeroen nie vinde.Dan mé 'n snoer
d'r an vastbinde.De huus anklèe en dan mie die poepinnemusjes.em-
trokjes en zwarte schortjes,'t leek 'n optocht.
Jaap vroeg: "welke pêêren motte d'r voor? Toch 'n tuug zeker?"
Vaoder zei: '"n Paer makkelikke,da's Blis en Cato."
Ze ware we naebie klêr.di komt Tomas om de deure.ie keek zó zwart
as 'n dunderbusse.z'n baerd hing op en neer.Toen zeit'n; "Je schae-
penzitteop de peen in 't hoendernistze motte d'r derekt uut,anders
ael ik de veldwachter d'r bie.'t is de leste keer,'k waerschuw je
nie mi." Dus vaoder z'n kiel mé wee an en Jaap jie 't kapmes aele
18
