DIALECTDAG 1987
deur
J.Kloet (Zuudbevelands dialect)
17 oktober j.l. was et dan wee zovarre.Ik bedoele de Dialectdag van de
Zeeuwsche Vereeniging voor Dialectonderzoek.
Ik wete nie oe of et bie julder is,mè ik vinne et nog altied een dag
wir je van tevoren a ni uutkiekt.Nie zoas je vroeher as kind ni je ver-
jaerdag of ni Sinterklaas verlangde,mé toch vin ik et persoonlijk
een dag die ak nie hraag zou willen missen.Je komt bie mekaren en et is
of a je mekaren allemaele kent en eihelijk is dat bie een oöp mensen die
a di kommen ok wé et geval.Der is di een "sfeer"-om es een deftig woord
te gebruken - die a je moeilijk kan omschrieven,mé toch wé voelt.
Neem noe bie vobelt a je binnenkomt !s ochens.De mensen a ter a bin
(en das a vroeh oor) knikken es ni je of zén je hedag.De koffie is net
zo hoed as tuus.de Jikkemiene die bin zo as je ze zelfs in Zeeland mé
zelden tegenkomt.En a je de servetjes,die a je der bie kriegt.ziet mie
die petrööntjes as een róje neusdoek,dan weet je da je voe dien dag hoed
zit en da je - a bin je zoas deze keer mie 260 mensen bie mekaren - je
één hrote ferraielje bint.Een soort reünie om wee es een deftig woord te
hebruken .Da je bie mekaren bint mie hetzelfde doelnaemelijk een bitje
van et ouwe vertrouwde.de taele.de uutdrukkiengen.de hewenten,kortorn de
Zeeuwse cultuur vast te ouwen.
Om kwart over tiene opende de voorzitterof eihelijk de twidde voorzit
ter, wan me én nog hin éeste voorzitter.Ik kan meneihen ok wè indienken
da ze noe nie staen te driengen voe da baantje,wan ze zun wè dienken da
ze het nie hauw zo hoed kunnen as die a vlie jaer is wig ehaen.
Me eihelijk is da een bitje valse schaemte.wan ieder veuheltje ziengt zo
as et ebekt is.
Mè affijn.de twidde voorzitter behon de verhaderienge.die a ik hlad nie
zie as een verhaderiengewan et hi di zo hemoedelijk toe,da je eerder
dienkt da je op verziete bint dan op een verhaderienge.
De voorzitter behon dan mie te zén da den tied zo ard haet en da je jen
eihen bienae nie kan voorstellen da ter wee een jaer verbie is twint de
vorihe verhaderienge.Ok herinnerde ie der an da ter toch in de 11 jaer
da me die Dialectdag ouwen,toch wè êel wat hedaen is.
Noe is et de leste jaeren de hewente eworren da ter op dien dag een
regio-boek wor uut egeven en dan wor et êeste exemplaer an eboon an de
Commissaris van de Konehinne in Zeeland.Dat was ok deze keer wee et
heval naemelijk van Walcheren.Mè de Commissaris zat in Amerika,dus an
um konnen ze da boek nie heven.Mè helukkig bin der nog meer mensen bie
de Staten,die da boek kunnen anpakken.en noe was Meneer de Voogd ekom-
men di voe.Ie wier dan ok van arte welkom ehêeten deur de voorzitter en
mie um wazzen der nog meer vooranstaenden die een extra welkom krehen,
zoas de Burhemeêster van Kapelle, dr.Berns van et Meertens-instituut
de oud voorzitter meneer De Bruin, een afgevaardigde van het Documentatie
centrum, uuthever Van der Peyl, dr.Heestermans en nie te verheten de
sicretaresse van de verênihienge Mevr.Van den Broecke-de Man.
36
