Dinae wiren de mensen staende herdacht die aan et ofhelopen jaer over
leden bin.En dat wazzen der dit jaer vee.In et biezonder wier herdacht
Mevr.Wolsedie a van de oprichtienge van de verênihienge lid was ewist.
Vervolhens wier de ahenda of ewerkt.Nou da hieng in vlot tempo.
Op een paer vraehen nae wieren de notulen van de vorhe verhaderienge
hoed ekeurt en wazzen me a hauw an et financieel verslag.Di wazzen ok
nie vee vraehen over en de vraehen die a ter waeren,wieren vlot beant
woord deur de centenbaes,die a ok altied noga uut zen woorden kan kommen.
Ie zei wè dat um et zunig an eleit a in et ofelopen jaer om wat meer
centen achter de and te èn,mèr ie beloofde da um wat meer uut zou heven,
netuurlijk in et belang van de verênehienge.Zó tussen neuze en luppen
maekte ik op dat um zo achter de schermen noga êel wat mêer doet dan de
kas in de haten auwen.Affijn da wissen me eihelijk a jaeren da um en
zen vrouwe de werkpaerden bin in de verênehienge
De kascontrole-commissie kon ok hin foutjes vinne n en daerom wier de
centenbaes dan ok mie applaus bedankt eworren voe et vele en hoeie werk
van et ofhelopen jaer.
In het bestuur wazzen een paer mensen an de burte voe oftre'en.mè twêê
di van wouwen nog best bluven dus die wieren eveneens mie andheklap wee
voe een paer jaer estrikt.Mè voe twi bestuursleden mosten aare kommen,
wan die konnen nie mi bluven om verschillende redenen.
Voe dr.Braber,die a nae 12 jaer et ok wat rustiger an wou doen wier
Mevr.A.F.v.d.Zande-Vleugels Schutter bereid evonnen en di wier zelfs deur
voorzitter ezeid.da dat wel is de nieuwe voorzitter zou kunnen worren.
Ok meneer Leune wou ter een punt achter zetten en voe um wier ekozen
Mevr.L.Rijstenbil.Et liekt me voe de are bestuursleden ok wel is arig
om een paer vrouwen der bie te èn.
Vervolhens kwam de sicretaresse Mevr.v.d.Broecke-de Man an et woord en
die vertelde zo et êen en 't ander over heur werk.Ik ielk jaer wee
bewonderienge voe eur om op zo'n leeftied nog zovee werk te verzetten.
Mè helukkig voe eur was ze noe toch blie iemand evonnen te èn die eur
kan opvolhen as zie nie mi in staet is om et werk te doen,wan ze zou et
vreselijk vinnen at dat nie mi deur zou gaen en da kan ik me voorstel
len a je zo vee tied van je leven an dat werk edaen eit.
Ze stelde dan ook meneer Francke voor as eur opvolger en ze zei dat ie
eur ok a zo eholpen eit bie et saemenstellen van et regioboek van
Walcheren.Ie was de hrote stimulans ewist en ze twufelde er dan ok nie
an dat eur werk nie deur um mie de hróotste inzet zou worren voortezet.
Nou ik bie zen ezeten onder et eten en ik helöve da zie nie varre mis is
Bie de rondvrahe wazzen der ok nie vee vraèken en toen konnen me dan
zien oe a et nieuwe regioboek Walcheren anebojen wier an meneer
De Voogd.Ie was ter erg mie inhenomen en ie bedankte dan van arte der
voe.Allêene liet um uut zen mond vallen dat um nog hin lid was van de
verênehienge.Toen a ter een hebrom ontstoeng zeit ie mè hauw dat um
helieke lid wier,dus dat is wee mee enomen.Wè viel et um op dat er
zo'n hezellige sfeer was dus ik kreege nie de indruk dat et tehen za
vallen dat lidmaatschap.
Nae dat meneer Francke nog een hroot hedicht voorelezen a uut het
38