nieuwe regioboek wierter pauze ehouwen mie een borreltje en dinae een
lunch.Voe de verzurhieng di van niks as lof an den eer Oosthoek en zen
medewerkers.
Om twi uren bin me wee behonnen en toen ei dr.Heestermans 't een en 't
aare verteld over de overeenkomst en verschillen tussen de spraeke van
West-Brabant en Zeeland.Ie is heboren op Tholen,mè zen jeugd eit urn in
Bergen op Zoom deur ebrocht.Oêns arte behon even gauwer te kloppen toen
at urn zei dat het Zeeuws Woordenboek het beste is dat a urn kende.
Mie een bitje fantasie en naedienken was urn der achter ekommen wir a
het woord "kerbikse" en "kerdoense" vandaen ekommen is,temissen dat was
zien hedachte.Over nog een paer woorden vertelden ie en et was erg
interessant
Vervolgens kwam Mevr.Schippers-LeBleu an het woord mie een voordracht
van prof.Van Houte.Ielk jaer sta ik er van te kieken wat a die vrouwe
in der mars eit.Nie allêenig da ze dat zomaer uut der oöd doet,mè de
meniere waerop ze verteld,is zo,da iedereen an der luppen angt en et zó
voe zen oógen zie hebeuren.Ik ope dat de orhanisatoren van de Dialect
dag nie verheten om eur jaerlijks uut te nódehen wan dat zou op dien
dag een hemis wezen.
Ok meneer Leijdekkers.die a nae eur kwam,kan ter wat van en ik helóve
dat um net zó vee aandacht kreeg as zen voorhangster,want et wier ok
lekker smeuiig ebrocht.
Nae da me koffie of thee edronken aan.krehen me et optrejen van een
jeugdkoor uut Middelharnis en die zoengen in het Goereese dialect leu
ke vêsjes.Kiek da zou noe zó mooi wezen am me di es wat meer jeugd voe
konnen strikken,wan et zou toch zó jammer wezen a oêns mooie dialect
verloren hieng.
Tussendeur dee Mevr.Teunie Knops nog een paer voordrachtjes in et
Flakkees
Vee te hauw ni mien zin en ik dienke van vee,was de mirreg a een ende
om toen Iengel Reinhoudt op de planken kwam om mie een paar leutige
vêsjes den dag of te sluten.
Das ok een vaste klant eworren op oênzen dag en die zien me ok ielk
jaer wee hraag trug.
Een bitje laeter dan eplent sloot de voorzitter om kwart voe vuve de
dag of en wulder ielpen um een bitje mie et ziengen van oêns Zeeuwse
Volkslied
De werkers kregen een blommetje voe aolles wat a ze et ofhelopen jaer
wee voe de verenihienge edaen aan en netuurlijk ok de henodigden.
Ik persoonlijk wil de mensen nog es extra bedanken en men waarderieng
uutspreken die aan dien dag wee zóhoed verzurgd ên en da bin toch wè
et echtpaer Oele wan die verzetten wat werk vóór en op z'n dag.
Ik vinne et leutig da Koosje raedêemd deze woorden mag overtikken in
Nehalennia.Dan ku es fijn mie bleuskikjes ulder eihen in het zunnetje
zetten
39
