'T KERSFEEST ROND 1930
door
M.J.Geuze ('s-Heer Arendskerke)
A'k an 't kersfeest (vroeger zeije ze Kossemisse) uut m'n jonge jêren
terug dienke.komt oaltied dat van de zondagschoole nog in m'n hedach-
ten.Bie ööns tuus oa me mie die daehen nie vee extra's.Oöns uusouwen
was mè kleine.wan m'n voader was 'esturve,net voor a'k vuuf jêr wier
en 'k was mè êênugst kind.M'n moeder kookten voe twi daehen soepe,di a
me 'n per droahe boterammen (stuuten zeie ra'aaltied) bie opatte.
Achteran oa m'n 'n puddukje.dat mêêr muzzéna was as wat anders,wan
zó brêêd oa m't nie.
Me hienge 's ochens ni kerke en 's achtemirrugs hieng ik ni de zondag
schoole. 'k Weet nog h5êd,è in 1928 'n per weeken voor 't kersfeest óónze
naemen op'eleeze wiëre en 'evroohe wier, oe oud me waere.'k Riep toen
ard: "'k Bin vuuve," wan 't woord "vijf" leerden 'k pas laeter op de
hröóte schoole.
't Zondagschoolkersfêêstwier oaltied op d'n twidden kersdag 'ehöuwen.
's Achtemirrugs wiêre m'in't zondagschoollokaal 'etrakteerd op krente-
koeken en sukelademelk.0k wTêre de kersvêsjes nog is 'erippeteerd en
wier d'r nog 'n lank verhaal vooreleeze,diè op d'n duur hin êên mi ni
luusterdent Kersfêêst in de kerke behon om vuuf uuren en de kerke was
dikkuls zó vol,è s'r nog stoelen bie moste zette.Huus van twi en drie
jêr wier'ok meeebrochtom ni de kersboom te kieken,wan die oa toen
naebie hin êên tuus.Zo'n kersfeest duurden soms wè twi uuren.Di wier vee
'ezonge; 't kersévanheelie wier verteld en dan was 't'r ok nog 'n pauze,
om oal de huus nog is te trakteeren op 'n krentekoeke en 'n stikje sin-
terkloas(speculaas).Nae die pauze.wier d'r wee 'n êêl lank verhaal ver
teld,mêêstal over 'n kind,dat kwiet rocht in de snêêuw.of over 'n erm
uusouwen,di de voader z'n weekgeld van verdronk; mè 't kwam oaltied
wee hoed uut óór.Mè onder dat lange verhaal behon de sukelademelk van
's achtemirrugs te werken en most d'n êênen nae d'n oaren d'r is uut.
Me verlangden oalemaele ni 't einde van d'n aevund.wan dan kreehe me de
kuddootjes; huus benee de tien jêr'n stikje speelehoed en d'öüwere 'n
boek.Voor mien tied eit de hewent 'ewist.om huus uut'n erm uusouwen
klêêren te heeven.di d'ouwers wè bliee mie waere,mè de huus nie.
't Was höêd bedoeld,mè teehenwoorug zoue z't wè "discriminatie" noeme.
Ok kreeg iederéén bie z'n kuddootje 'n applesiene,wat ok 'n echte
traktatie was,wan tuus oa je die nie dikkuls,kwamme z'r in de winter
hereehuld mie leure.'n Ienkele kêêr kocht moeder d'r is voe 'n kwartje,
dan oa j'r 'n_stik of achte,mè dikkuls kon't nie leie.
De kersboom wier pas op d'n twidden kersdag in de kerke 'ezet.wan 'n
kersboom in 'n hewoone kerkdienstdat kon nog nie in dien tied,mè d'n
twidden kersdag was 't toch mè van de zondagschoole en dan kwam 't zó
nauwe nie zeie ze,dat was voe de huus.
40
