OUWE JAER OP 'S EERENHOEKVROEHER BIE ONS TUUS door C.Martens 'Ouwe jaer en nieuwe jaer was 'n spannende tied.Tied om de verkens- blaeze te kontroleren of a t'n puik genoeg was voe d'n koenkelpot. Tied om koenkelvesjes voe d'n dag t'aelen.tied om smoutbollendêêg klaer te maeken,tied om te bieen en de jeneverflessche op taefel t'èn. Daegs voe ouwe jaer was ft tied om 'n koenkelpot te maeken. Dat vereisen wat organisatie talent(mê dat ao me van de Moffen of 'ekêêke).De blaeze mos je natuurlijk a lank van te voren u organiseerd seerd è.Maenden,weken van te voren goeng je nae ongetrouwde moeien en ooms of mensen die 'n verken,mè gin guus ao,ora de blaeze vraege. Ondanks de belofte mos je wè soches vroeg om zes uren op de slachtdag d'r bie weze a d'n keu ekeelt wier,angers gieng 'n aor jonk bie je blaeze bieze.Wavoe martmechanisme ok an 't blaezeverdêêlproblêêm ten grondslag elêêg'n eit weet ik nie,raè 'n feit was 't da iedere koenke- laer aoltied 'n stik blaeze bemachtigd ao. Goed,nae de blaeze mos je nog 'n blikke buzze 't Beste waere die stroopiebuzzen bie zo'n kraagrand wir at touwtje zo lekker achter bluuv 'angen.Stroopiebuzzen was 'n minder probleem,want stroopievet was d'n eenigsten beleg wat a je op je stuut'n ao.Dus die ael'n we bie de buren.Tuus atte wulder nie zovee stroopievet(want m'ao 'n wienkeltje) om genoeg stroopiebuzzen bie mekaore te kriegen voe acht guus. A je noe 'n blaeze en 'n buzze ao.mos je nog spaanse riet voe de Steele. Da kö je kööpe voe 'n stuuver bie de blinde Lau.Je kon ök uut de pit stêêle.mè dat was nog a gemeen.Van 'n blind'n stêêl je nie. Dus die stuuver was 'n diepe investerige die a je êêst vrom verdiene most.A aole ingredient'n bie mekaore waere,daegs voe ouwe jaer,wier de koenkelpot emaekt.Was t'n klaer,dan spoog j'in j'n 'and en wiert da dienk eprombeert.Was t'n nie goed,dan kon je beter mè 'n aore buzze neme,want dan was de bóóm te dikke en roenkt'n ie nie genoeg. Op ouwe jaersdag goenge wulder ouwe jaer zienge.De kleine guus over dag, de grote buffels saeyes at doenker wier.Welke liedjes wulder zoenge? Nou,de geweune natuurlijk: - Klein zieltje,in twi variasies - Stuuver op de planke - Maria Magdalena op 't Eere Jezus graf - Nieuw jaer in,ouwe jaer uut (of oramedraoid) - 'k E zo lank bie de koenkelpot geloope enz. Me goenge mêêstal in groepjes van twêêe toe vieresommige ao 'n buuk- urgel bie d'r of 'n gitaar nessen de koenkelpotEn natuurlijk aol verklêêd en mondebakkes op,zó a de mensen je nie kuste kennen. 41

Tijdschriftenbank Zeeland

Nehalennia | 1987 | | pagina 43