UITREIKING VAN DE ZILVEREN ANJER OP VRIJDAG 24 JUNI 1988 IN HET KONINKLIJK
PALEIS TE AMSTERDAM DOOR Z.K.H.PRINS BERNHARD DER NEDERLANDEN
Vriedag 24 juni 1988.
't Is rustig ob d'n Dam in Amsterdam,
'k Ange wat ferveeld rond 't "Vrijheids-
moonement"De duuven wachte op 't
frouwtje, dat eeten vo ulder verkoopt.
De joengelui an de voet fan 't moone-
ment schiene d'r 'n hemakkelukke dag
van te wille maeke. Misschien ni 't
musêêum of wat rond'ange en kieke, wat
of 'r z'n eihe vandaehe vödoet.
Taxi's riën af en an; mensen loope
booschappen te doen. 'n Taxi stopt fo
't paleis. Mè machtug, dat è'k nog nie
gezie!Bie 't paleis lei te róóje loo-
per uut en de marresaussees stae stok-
stief in 't gelid an elke kant van d'n
inhangk. A je dan ni binnen kiekt, zie
je an oallebei de kanten 'n reke oohe
lui in uniform stae.
De taxi is persies vo de róóje looper
hestopt. Portieren haen oopen. De saf-
feur'n man en 'n vrouwe stappe uit.
Ze bin oal keurug anheklêêd. Ze troepe
vo de rechter vödeure. 't Is wè duude-
luk, 't is om de mevrouw vóór in d'n
auto te doen. Voorzichtig 66 s'uut t'n
auto hollepe. Twi treejen op en ze bin
in 't paleis.
Stilletjes kieke 'k oover de schouwer
van die meneer en 'k leeze ou de toe-
hangskoarte, die d'n in z'n 'angt 'oudt:
"De Intendant van de Koninklijke Palei
zen verleent hierbij toegang tot het
paleis te Amsterdam tot het bijwonen
van de uitreiking van de onderscheiding
de Zilveren Anjer door Zijne Koninklij
ke Hoogheid Prins Bernhard der Neder
landen op vrijdag 24 juni des morgens
te 11.00 uur
(Paleis Dam-zijde)
Zilveren Anjer Wandelkostuum.
'k 'Ebbe hin toehangskoartemè net
as oalle oohen op kwatta hericht bin,
zie 'k kans deu de kontrolle te slip
pen. Vliehensvlug rolt 'n joen in 'n
blauwe slipjesjas 'n rolstoel an en de
dame op jaeren haet 'r in zitte.
'n Bosje blommen (Biedemeierboeket)
oor se noe anhebóóje. De vrouwe, die
't bosje haf, docht warschienlijk,
dat se mee nae binnen kon, mè dat
ging nie deu. An d'r toal t' óóren
kwam ze uut Tschechoslowakeij
t Is 'n ende loopen, want me deur-
kruuse iengkele allemènsig gróóte zoa-
len en komme uuteindelijk in de Mozus-
zoal terechte. Deze zoal is genoemd ni
't schilderie, wi Mozus opstaet.
'0e dat tat schilderie d'r uut siet,
kang'k nie ferteèlle, want 'ier 'e 'k
óóren en oohen tekorte. 'Ier is in
't êêste mè weinig follek. Kiek, di
loopt Til Gardeniers, en de andere le
den van 't bestuur. Langzaemerand
druppele ook d' andere binnen, die 'n
onderscheidienge zulle kriehe.
'n Bèrrig mensen kenn'k allêênig van
de tilleviesie. 't Is 'aollef elleve
en a drekt gezellig. D'r óórdt 'n kom
metje koffie hedroengke. Dan inêêns
komt 'r beweehienge in 'êêl't stel en
oalles gaet an êên kant fan de zoal
stae, wi 't schilderie van Mozus 'angt,
want an d'andere kant 'eije de raemen
en de prins en prinses behröëte mensen
nie groag mee teehenlicht. Ook de rol
stoel zwiengt 'andig ni d'andere kant,
nog net op tied in de rij, want jawel
'óór, di is de prins en de prinses.
Oallemaele kriehe ze 'oand. Dat gae
fee vlot
Daene vertelt de prinses ies oover
Mozus op 't schilderie. 'k Kon 'n nie
follehe. 'k 'Ebbe ook zovee te kieken!
't Liek a wè; of de prinses en die ouwe
mevrouw mekoare a jaeren kenneZe zitte
me di te proaten oover nom Joos mag 't
weete! In 'n 'oek van de zoal stae t'r
vaste medewerker, 'n laureaat, en me
neer Don. Even laeter haet 'ier de
prins biestae. Je kon zo me zie, dat
't êêl hezellug en vee onhedwoenge
toehaet. Wat ti in dien 'oek gezeid
óórdt, za'k nie fertelle, dat 'ei
gin mens te weeten.
De tied ferstriekt vees te vlug.
Noe is 't tied om ni de Krijgsraad
zaal te ver'uuzen, wi de eihenlijke
plechtig'eid moe gebeure.
