O
blik bin zien diensten ooverboodug.
Net asof 'n d'r bie 'óórdt, bluuft 'n
staen en rekt te tied so langk meuheluk
om van dit tafferêêltje te henieten.
Dan druupt 'n langsaem af om ob de
twidde reeke z'n plekke wi in te neemen.
Dan öêre de andere laureaaten onder
schei je en dimee is dan de plechtig'eid
afgeloope. Terwiele de zoal leegloopt
en de mensen mee 2 liften ni benee kun
ne hae ni de Burgerzaal vo de reseptie
moete de mensen, die 'n onderscheidienge
hekreehen 'ebbe ni 'n zoal, wi de offi-
seele foto's hemaekt moeten 'óóre.
De rolstoel mee te dialektdeskunduhe
óórdt ob de rem onder 'n schilderie
hezet, de prins erachter, dinest te
prinses en an beijer kanten de andere
die 'n onderscheidienge hekreehen 'ebbe.
De foto's óóre heschoote en di mee 'ei
ook dat s'n beslag hoad.
De prins as 'n hoeje hast'êêr, wil mee
t'n haste herie, mè wat bliksekoaters
nog an toe, de rolstoel staet op de
rem. De "hofmarschalk" schiet toe en
de stoel óór rieklaer hemaekt, onder
tussen 'ei Juliana nog 'n babbeltje
mee 'im. Van de prins hin kwaed wee-
tend óórdt te onderscheidene prins-
gêêrlijk deu de kooniengklijke zoal
herêêj. Bi de deure hekomme komt 'r
'n andere bestuurder, die kan nie
verder, omdat te mensen uut tie ande
re zoal ook mee te lift mee wille.
De prins griept in, doet t'n paer pas
sen ni vóóren, de mensen wieke uutêên
en de stoel ploegt achter de prins an
de lift in.
In de Burgerzaal 'ei te reseptie plek
ke. Mensen wat 'n volk, 'aollef de
wêêreld is 'ier. Lange rijen mensen
troepe rond de 4 fêêstferrekens om
ze te fieleseteêren. De fêêstgangers
proate wat mee mekoare, eete wat en
neeme der êêntje op 't sukses, dat
mevr. van den Broecke- de Man 'eit
mee 't fastleggen van de Zeeuwse
dialekten, dat toet stand gekomme
is, meede deu julder hulp en daer-
om ook 'n blaeretje van d'n anjer
verdiend 'ebbe!!
Van: 'n Walchenaer, die ook 's
'n dagje oover d'n Sloedam was
19