ZESTUG JAER
deur
Wullum
Dae de dialecte vurenihienhe zestug
jaer bestaet is 't wê is hoed, om
dae even bie stille te staen, omdat
die vurenihienhe d'r op staet dat
't dialect in achting bluuft.
In laemen êêrluk weze, wat haet 't
achteruut. Ammen die zestug jaer
nae hae ister a êêl wat veranderd
De auwere onder ons hebruukte woor
den die aje noe nie mee öórd.
Ik za d'r 'n paer opnoeme;m'n
hrootvaoder zei aoltied tehen 'n
appelsiene 'n oraje appel, het
woord kurdienen óór je aok nie mee,
dat is vitraosje, dat anht vóó de
raemen. Ik zou dae nog wê vaeder op
deu kunnen hae. In dien tied dat ik
nae schöole hieng wierder wê aan
dacht besteed om Ollands te praeten.
Mê wê dêê dat meesta mê op z'n Bruus,
in dae wier weinig van zeit.
In aje dat nie hoed lêêrd eit is
't moeiluk om zuver Ollands te prae
ten. Soms móje wê is Ollands praete
om j'n eihe vurstaenbaer te maeken,
in dan vaol dat a heel nie mee.
Dae zit vee vurschil in dialect.
Ut êne of andere durp wat mê 'n
paer kilometer uut m'n kaore leit
is ter vurschil van woorden.
Bru is 'n plekke wae atte ze ao zae
de meeste ik Toch binne d'r
maensen die atte op 'n durp op
kwêêkt binnedie aette je kwaeluk
neme aje op 'n vurhaederienhe dia
lect spreekt. Ik bin dat wellis
kwaeluk nomeDat vond die man
nie hoed, in toch waere 't aome
Zeeuwen. Ikao die vint laete lulle,
in m'n eihe d'r nooit niks van an
trokke. 't Was nae de ramp in
Rotterdam dat ik mee m'n Ome nae 'n
wienkel hieng in vroeg om olleneuten,
dat meisje snapte d'r niks van.
Ikké dat nog is zeit. Mê nee
toen zei m'n Ome, pinda's toen hieng
ze lache. Dat binne d'r aok die hae
dan nae Olland om te dienen.
Binne 'n blaewe maendag weg, komme
tuus in praete dan binne ze te vur-
waend om dialect te praeten, in
Ollands kunne ze aok nog nie hoed,
dus dan móje d'r wellis om lache.
Aol mee aol 't auwe hae toch minder
óêre vooral bie de kinders.
Voe oor je vee kinders op schoole
Ollands praete dat kom aok wê dat
ter meer vrimden binne mê ik kenne
d'r aok heweun van durp die praete
tehen d'r kinders in uus Ollands.
Vêo mien 'n lachertje. Laemen blie
weze datter nog maensen binne die
atte onze taele nog in waerde auwe.
Van mien kant wil ik julder file-
stere mee 't zestug jaerig bestaen
Ik zou zae hae zoo deu, want dae
binne aoltied nog maensen die atte
d'r nog pries op stelle.
't Hoeije
Wullum W. van Gilst te Bruinisse
5