DE KERSPLAESSE MART gebracht in haar eigen verteltrant, waarbij karakteristieke vormen, woorden en uitdrukkingen onze speciale aandacht vragen De eerste zaeterdag nae de twidde weunsdag in juli was 't mart. Da be- hon de diesendag of weunsdag divoo. Dan wier van 7 toet 8 uure 's aevens de klokke heluud, de mart inheluud. 't Eele heslacht bakkers flak bie d'n töören, waere klokkeluuërs's Ochens en 's aevens knipte en snoeide de he- meentewerkers de lindeböömen in de Voostraete. De takken wiere deu de schooljongers bie mekaore heraept en di hienge ze mee in optocht ni 'Veldzicht'. Di weunde de fermielje Swemer, die strooide dan koperen centen of bruusuukers Vrom op 't durp, waer (was) de kure- sel opgebouwd en 't paeretje liep mid denin rondjes om 'm an te drieven. Dan mochten aollekinders 2 maol d'r voo niks in. Sinds (tegelijkertijd) waere ze in de Voostraete druk bezig om de kraemen op te slaen: koeke- kraemen, 'n ooliebolspul, de slagme- sien (Kop van Jut). Ok 'n hrööte kêête, 't spil van Bakker, di wier 's aevens tonêêl hespeeld, kemedie. De 'Boubers' bin in die tente behonne. 's Middags was 't foo de kinders, ze speelde dan Hans en Grietje' enz. Friedags was boerinnemartVee kante musten, Brugse kant waere dan te zieën en vee butterkurven De herijtjes, di a (koetsen, waarmee) de boeren mee van d'oeven kwaeme stonge dan in d' Achterstraete. 't Paerd wier in de schuuren hestald, aolle schuuren ao 'n kribbe en 'n plokke D' êêste martgast was Koopere Koo, die nie stille kon stae. Z'n voeten sloehe mee riemen 'n trommel, die 'n op s'n rik ao 'ie ao in z'n 'anden 'n 'amonika. Van 'uusje toet deurtje (deur tot deur) 'ieuw 'n even op om door Mevr. A. de Pree 'n paer cent te kriehen. D'n anderen ochen (volgende morgen) was 'n 'aard- löóper. Die waere 'êêl èrremzonder kraem, zonder tente. 'Mijne George' ao 'n 'uufwaehen, die kwam mee z'n vrouwe en kinders, dat waere straet- muzikanten en ze zonge de nieuwste straetdeunen, mee z'n vuuven op 'n rijtje. 'Mijne George' op z'n amonika. 'Mottige Thomas' sat mee Kee an 'n paer kisten, mee 'n papier mee sief- fers d'r op en 'n wiesder van 'n klok ke, di ko je dan draoie voo 'n cent. De wiesder 'ieuw zelden stille op 'n siefer. De êêste 'aardlóóper, die a so hodgeklaegd èrrem was, hieng aolle jaere (elk jaar) veruut. Eêns 'n kraem mee 'oute visjes in d'n toog (toonbank), mee 'n noemer op 'n priesje. Mee 'n netje viste je die uut 'n bak mee waeter. Laeter aolmè ver uut. Toet 'n stuit nae d'n óórlog (een tijd na de oorlog) kwamme z'n zeunen mee 'n kuresel, 'n zweef en z'ao móóie weunwaehens. 'n Sterken boer kon zo hoed op de Kop van Jut slae, dat 'n van onder toet boven bedekt waer mee medaljes en róóze roosjes. Laeter is 'n vroom heworre, heriffermêêrde kèrreke, die mochte nie op de mart löópe. 'n CH-raedslid, ao ze here- kend, dat die wè zou 'ellepe stemme, om de mart af te schaffen. Dat hien nie deu, want tie bakker bakte achter de kèrreke ooliebollen in z'n bakke- rieë en di kwaeme de helóóvihen on- hezieë op of. Die bakker verkocht sovee, dat 'n voo de mart stemde. D' êêste fototente stieng op d'n 'oek van 't slop. Di werkte ze mee flits licht. Die a uutgetrokke wier (degene die gefotografeerd werd) schrok fan die bliksem en stonge (stonden) de mee t'r óóhen toe op, op 'n staele 32

Tijdschriftenbank Zeeland

Nehalennia | 1990 | | pagina 34