Kossemisse 1985 M'n ebbe d'n boom wf opgetuugd Mit ballen in mit sliengers; Mit kaessen, brandend op elektriek, In nóg mêêr fonkelende diengers! M'n 'n êêmae angeklêêd Die drie meter öóge sparre: M'n zonge d'r wè 's 'n knóêpe bie, Ma, dan zat 'r wat in de warre... De meziek, die m'n angepast; Lee Towers, zit in de audio-toren. Die droam ardóp van 'n witte Kerst, Ma, m'n oak êêle plechtige koren! Die zienge van: 'Komt, verwondert u hier, mensen! In liedjes in 'n vreemde tael. Ma, die je toch wè kan begriepe; 't Gae aomae over 't Kerstverael! Die plaete kom ma êêns p'r jaer As 'n vreemdelieng uut de kasse. Dae doe m'n dan bie 't ochendéten De kinders mee verasse! In, dan mö j's in de keuken kieke! Dae zie je blikken mit 'haricots-verts' Tamme kastanjes, exotische vruchten... Je kan ruuke, de kalkoen wor a gaer! Dae stae 'n flesse mit Madeira Vó in de soep, van ossestaert! In, op 't stêêne pletootje in de kaemer, Lègge de blokken vó d'n open aerd. M'n zulle 't gebóörte-fêêst 's viere! Eest nae kèrreke, of nae de mis... Dae oef gin méns wat van te dienken, Da doe m'n omdat 't Kossemisse is! D'n êêsten Kerstdag ouwe m'n 't wè uut In d'n uuseleken krieng! M'n éte in drienke dat 't 'n lust is! As 't d'n twééden noe oak zó gieng?

Tijdschriftenbank Zeeland

Nehalennia | 1990 | | pagina 28