Dae m'n gelukkig wat op gevonde:
's Ochens, laete naest 't ledikant!
D'n dag deu: 'n drankje, 'n buutenlans apje,
In, 's aevens nae 'n rèsterant
Kieke m'n aomae 's zitte glimme
An de overlaeje dis!
Tsjonge, wat binne m'n in de wêêre,
Omdat 't Kossemisse is!
Ma, 'nachts, naest moeders in de koesse
Schémert deu de benévelde géést
'n Eêl onangenaem achtergrondje
Van 't opgeklopte féést!
't Felle licht, van 'n êête zonne,
Dae, êêl óóge an 't firmement,
Doet de schaeduwen verdiepe
Op 'n ribbekasse, die gin vleis mf kent...
Fleurig, as 'n speelgoed-tuugje,
Uutgevoerd in groen, wit, róód,
't Stille beeld van 'n kruusvlucht-waepen
Achter de nieuwslezer z'n óód...
M'n gaeve toch vó Afrika?
Ze zü die diengers toch wè begraeve?
Aol die raketten, op ons gericht.
Nae x 'toppen', zöas in Genève?!
M'n leven lang raeke ze nie op
M'n blokken, vó d'n open aerd...
As 't zó deugaet mit die zure regen
Binne de boamen niks mf waerd!
Zou die nóód noe toch nog lêêre bidde?
Of, voel 'k m'n eige allêênig ma rot?
Of was t'r opnieuw, wf weinig te mèrreken
Van vrede op aerde in 'Eêre zij God?'
Kossemisse 1991
Wees noe 's éérlijk!
Bf m'n sinsdien wat opgeschóte?
Ad Leijdekkers