MERIENTJE A. Goeman 't Was nog in 'n tied da we de peta ten uitdejen mie 't griepje. Ze wir'n dan mie d'ant opeript en de verkenpetatjes apart, in 'n mange uhooid en a tie vol was wiern ze op 'n oop ehooid. Zö zat'n we op'n mirrug tehen den óóp net koffie te drienken mie'n bo- teram en 'n starretje, toen an 'mum an zag'n kom'n, 'n zak over zun schoe- re en 'n ouwe in zun annen, Merientje, 'n simpel erm ventje. 'Kiek',zei vader,'di kom Merientje, zeker om petaten te kap'n.' In dien tied hingen d'erme mensen bi 'n boer de petaten opkappen die an bluven liggen was'n. Dat mocht netuurlijk al tied. Di kom Merientje: 'Hoein dag baes, hoed wèrtje vandaege.' 'Ja,' zei vader, 'jie kom zeker pe taat'n kap'n, mè jie lust zeker eest 6k we een baksie koffie?' 'Asjeblief baes.' En vader hieng ni den duif en spoelden zun korame even om in 't dulfwaeter en ie drohen 'n of bie zun kiel. Zo nauwe namnzut toen nog nie. En terwiel attun zun koffie lekker opslurpten zei Merientje: 'Zie je baes, kè 'aaltied zon piene in mun rik ee, ik magge eihelijk hlad nie werkn van'n dokter en dat peta ten kap'n is zo' mieters zwaer ee, mè terwiel ik over den éésten weg liep zei ten Eere tegen me: (Merientje was een braaf geloovig ventje en ie hieng ielke zondag 2 x ni 't oeksie de kerke, mè ie zag lie ver werken dan dat ie 't zelf dee). 'Merientje, hi mer is ni baes Hoemen das een hoed ventje en di krieg jie we een zaksie petaten van.' 'E jaon,' zei vader, 'das dan nie zo móói voe joe want den Eere ei tut noe toch mooi mis wan ik vinne aije petaten wil ete moij ze zelf ók mer uut de grond krauwe.' Afijn Merientje an zun koffie op, ie stoeng 'm bitje kreunend op: mun rik ee, me kwa, dan zak mer is be- gunne. 'Verrek', zei vader, 'di sti ier nog net een klusse van 'n kilo of vuuf, zesse in de mange,' en ie hooiden ut in Merientje zun zaksie. Merientje straelde en terwiel attun zun zaksie oppakten en over zun schoere sloeg zei tun: 'Hardstikke bedankt baes, en zieje noe wè a tun Eere hliek aa!' En Merientje nam zun ouwe op en slofte wig, ni ruus toe. 20

Tijdschriftenbank Zeeland

Nehalennia | 1994 | | pagina 22